Trochpakajovuju kvateru ź vializnymi stolami i sapraŭdnym kaminam možna kupić u domie 1913 hoda pabudovy. Jana raźmieščana ŭ histaryčnym centry Hrodna — na Lenina, 15, zaŭvažyŭ abjavu partał hrodna.life.
U kvatery tradycyjnyja dla staradaŭnich damoŭ vysokija stoli i prastornaja kuchnia ŭ 9,5 kv.m. Ahulnaja płošča žylla — 79,3 kv.m. Unutry zrobleny ramont. Kvateru pradajuć z meblaj i ŭbudavanaj bytavoj technikaj — možna adrazu zasialacca.
Uvachodnyja dźviery mietaličnyja, mižpakajovyja — draŭlanyja, u voknach pastaŭleny škłopakiety. Na ścienach paklejenyja špalery, padłohi parkietnyja, častkova plitka. U dvuch pakojach naciažnaja stol. Sanvuzieł sumieščany, u im staić adrazu i vanna, i dušavaja kabinka.
Interjer aformleny ŭ kłasičnym styli 2000-ch hadoŭ. Mebla — draŭlanaja i pad dreva, z raźbianymi detalami, šklanymi vitrynami, draŭlanyja dźviery z elemientami vitražoŭ.
Kvatera raźmieščana na pieršym paviersie. Jość mahčymaść dla pieravodu jaje ŭ niežyłoje pamiaškańnie, adznačana ŭ abjavie.
Dom cahlany, adnapaviarchovy z mansardnym paviercham. U abjavie ab prodažy skazana, što susiedzi vydatnyja. Jašče b — z sakavika hetaha hoda častku budynka zajmaje restaran sušy i picy Sushi love. Raniej u hetym domie pracavali «Alaksandraŭskija pirahi». Amal usie vokny kvatery vychodziać u dvor na nievialiki abharodžany kvietnik z hazonam, šmathadovymi raślinami i pładovymi drevami. U dvary — vialikaja parkoŭka. Susiedni budynak zajmaje bar «Hudzini», vietklinika, ramont telefonaŭ i ofisy. Niedaloka univiersitet, park Žylibiera, aŭtobusny i čyhunačny vakzały, škoła, himnazija № 10.
Košt kvatery $96 tys.
Kamientary