Siońnia na tarhach dalar abnaviŭ hadavy maksimum. Jaho kurs vyras na 1,85 kapiejki — da 3,3104 biełaruskaha rubla. «Naša Niva» pacikaviłasia ŭ ekanamista, čamu słabieje biełaruski rubiel.
Papiaredni hadavy maksimum byŭ niekalki dzion tamu — 3,3011 rubla. U pačatku hoda dalar kaštavaŭ 3,1775.
Ekśpiertka BEROC Anastasija Łuzhina adznačaje, što na ciapierašniaje asłableńnie kursu ŭ pieršuju čarhu ŭpłyvajuć źniešnija faktary, a nie ŭnutranyja.
«Asnoŭny faktar zastajecca niaźmiennym — heta ŭpłyŭ dynamiki rasijskaha rubla. Rasijskaja valuta, asabliva ŭ apošnija tydni, demanstruje tendencyju da źnižeńnia.
Dalar užo handlujecca na ŭzroŭni 97 z kapiejkami rasijskich rubloŭ, choć na pačatak kastryčnika rasijskija ekśpierty prahnazavali kurs na praciahu miesiaca ŭ miežach 95-96 rasijskich rubloŭ za dalar, ale hetaja płanka ŭžo pieraadolena», — adznačaje ekanamist.
Z-za taho, što biełaruskaja ekanomika ščylna źviazana z rasijskaj, źmianieńni kursu rasijskaha rubla adbivajucca i na biełaruskim.
«My nie možam ciapier kazać pra toje, što na valutny rynak cisnuć unutranyja faktary. Naprykład, pavodle danych za žnivień, skłałasia choć i nievialikaje, ale stanoŭčaje salda ŭ źniešnim handli».
Toje, što asłableńnie kursu vyklikana źniešnimi faktarami, paćviardžajuć i pakazčyki valutnaha košyka.
«Kali b u nas byŭ unutrany cisk na valutny rynak, to my b bačyli źnižeńnie kursu biełaruskaha rubla da ŭsich valut u košyku. A ŭ nas, naadvarot, adnosna rasijskaha rubla adbyvajecca ŭmacavańnie», — adznačaje ekśpiertka.
Zvyčajna kali rasijski rubiel tańnieje adnosna dalara na 5%, to biełaruski moža ŭpaści na 3-4%.
Asłableńnie rasijskaha rubla źviazana z padzieńniem cen na naftu.
«Plus u 2024 hodzie RF źniziła abjomy zdabyčy nafty ŭ miežach damoŭlenaściaŭ z APIEK+. Usio heta niehatyŭna adbivajecca na ich valucie, što ŭ vyniku peŭnym čynam upłyvaje i na kurs biełaruskaha rubla».
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary