Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara
Pieršy namieśnik premjer-ministra Mikałaj Snapkoŭ zajaviŭ, što biełarusy dasiahnuli maksimalnaha zarobku za apošnija 10 hadoŭ. Ale jość niuans.
«Siaredniaja zarabotnaja płata ŭ studzieni-žniŭni biahučaha hoda dasiahnuła amal 2,2 tysiačy rubloŭ, abo $687 u ekvivalencie ($590 na ruki. — NN). Heta maksimalnaje značeńnie siaredniaha zarobku biełarusaŭ za apošnija 10 hadoŭ», — raskazaŭ Mikałaj Snapkoŭ.
Apošnija danyja (za žnivień 2024 hoda) dajuć jašče vyšejšyja ličby: 2341 rubiel, abo $733 da vyličeńnia padatkaŭ. Heta 2013 rubloŭ na ruki (kala 630 dalaraŭ).
Ličby sapraŭdy rekordnyja. Ale kali hladzieć na zarobki ŭ realnym vymiareńni, to vyśviatlajecca, što «dziesiacihodździe spynienaha času» praciahvajecca.
Tak, siaredniaja zarpłata ŭ žniŭni 2013 hoda była na ŭzroŭni 622 dalaraŭ, abo $535 «na ruki». Ale inflacyja dalara za 11 hadoŭ skłała 32,52%. Atrymlivajecca, ekvivalent 535 dalaram u 2013 hodzie — heta 709 ciapier. Dla toho kab zastacca na ŭzroŭni siaredziny 2013 hoda, siaredniaja zarpłata ciapier mieła b być 709 dalaraŭ «na ruki».
Takim čynam, z ulikam inflacyi dalara siaredni zarobak u Biełarusi, pra jaki kaža Mikałaj Snapkoŭ, nie tolki nie vyras u paraŭnańni z 2013 hodam, ale i skaraciŭsia na 12,5%.
Kamientary