Hramadstva99

Stylovy budynak u Šabanach atrymaŭ hran-pry mižnarodnaha konkursu

Jaho pabudavała viadomaja biełaruskaja kampanija, jakuju padazrajuć u abychodzie ekanamičnych sankcyj suprać režymu Łukašenki.

Šmatfunkcyjanalny kompleks Alutech u SEZ «Minsk». Fota: VIASET

Na minułym tydni ŭ Jerevanie byli vyznačany pieramožcy XXXII Mižnarodnaha ahladu-konkursu Mižnarodnaj asacyjacyi sajuzaŭ architektaraŭ (MASA).

Hran-pry i «załaty miedal» siarod realizavanych pabudoŭ byli prysudžany šmatfunkcyjanalnamu kompleksu Alutech u Minsku.

Jaho sprajektavała biełaruskaje biuro VIASET (architektary Dražyn, Hierus, Rachmańko, Nikicienka, Mićko, Piatroŭski, Piščałaŭ) u partniorstvie ź niamieckaj kampanijaj Architekten Wannenmacher + Möller GmbH (architektar Vanienmachier). 

Taksama aŭtarski kalektyŭ za hety realizavany prajekt budzie pradstaŭleny da ŭznaharodžańnia załatym miedalom Mižuradavaha savieta krain SND pa supracoŭnictvie ŭ budaŭničaj dziejnaści «Za najlepšaje architekturna-budaŭničaje rašeńnie».

Prajekt, pradstaŭleny na konkursie MASA. Fota: MASA

Alutech — viadučy vytvorca aluminijevych profilnych sistem u SND i adzin ź lidaraŭ rynku raletnych sistem i siekcyjnych varot u Jeŭropie. Biez pradukcyi kampanii abychodzicca mała jaki pramysłovy prajekt u Biełarusi. 

Novy kompleks Alutech, płošča jakoha składaje 8500 kvadratnych mietraŭ, raźmiaściŭsia ŭ pramysłovaj zonie pa vulicy Sialickaha, jakaja ŭvachodzić u Svabodnuju ekanamičnuju zonu «Minsk». Jon pabudavany pa technałohii chutkaha ŭźviadzieńnia stalnych budynkaŭ ASTRON. 

Kompleks składajecca ź niekalki abjomaŭ: ekspazicyjnaha centra, ekśpierymientalna-vytvorčaj častki i administracyjnaha błoka.

Šmatfunkcyjanalny kompleks Alutech u SEZ «Minsk». Fota: VIASET

Sami aŭtary nazyvajuć svoj prajekt jarkim prykładam pramysłovaj estetyki, ale ŭ rašeńni hałoŭnaha fasada ciažka ŭvohule paznać pramysłovy budynak. Taki vyhlad chutčej charakterny dla kulturna-hramadskaha centra ŭ jakoj-niebudź zachodniejeŭrapiejskaj stalicy.

U rašeńni fasada vykarystany minimalistyčnyja srodki architekturnaj vyraznaści, charakternyja dla madernizmu. U ablicoŭcy vykarystany paneli, jakija imitujuć śvietły kamień. Fasad padzieleny na dźvie niaroŭnyja častki. Pravaja maje sucelnaje zaškleńnie, časta i naŭmysna nudna članionaje viertykalnymi rebrami, jakija ŭ pierśpiektyŭnym usprymańni, dziakujučy svajoj vialikaj hłybini, pastupova zamiaščajuć lustranuju pavierchniu škła.

Na kantraście zroblena levaja častka, dzie ŭ zahłybleńni z šyrokimi skosami, znachodzicca hałoŭny ŭvachod. Rebry, jakija vizualna padtrymlivajuć dach, raźmieščany pa łamanaj kryvoj, što stvaraje efiekt chvali. Hetyja viertykalnyja elemienty praciahvajucca ŭ adlustravańni vodnaj roŭniadzi dekaratyŭnaha basiejna. 

Alutech i sankcyi

U sakaviku hetaha hoda «Biuro» sumiesna ź niamieckim vydańniami Paper Trail Media i Manager Magazin vypuścili rasśledavańnie pra toje, što kampanija Alutech abychodzić sankcyi i pastaŭlaje ŭ Jeŭrasajuz padsankcyjnuju pradukcyju. Robić jana heta praz svaju rasijskuju kampaniju i češski łahistyčny centr. 

Sutnaść u tym, što praz tydzień paśla poŭnamaštabnaha ŭvarvańnia Rasii va Ukrainu Jeŭrapiejski sajuz zabaraniŭ uvozić ź Biełarusi mnohija važnyja tavary. Tak chołdynh «Alutech» pazbaviŭsia mahčymaści pastaŭlać u krainy ES paneli, varoty i dźviery sa stali.

Nieŭzabavie nabyła moc zabarona i na impart mietałurhičnaj pradukcyi z Rasii, ale paneli, varoty i dźviery sa stali nie padpali pad novyja abmiežavańni ES. To-bok, ź Biełarusi niekatoruju pradukcyju «Alutecha» ŭ ES vyvozić užo było nielha, a voś Rasiju zabarona nie zakranuła.

«Alutech» skarystaŭsia hetym prałazam, ale jaho dziejnaść pa abychodzie sankcyj zacikaviła pravaachoŭnyja orhany ŭ Jeŭrasajuzie i Vialikabrytanii. Praŭda, pakul rasśledavańnie było spyniena praz adsutnaść dastatkovych padazreńniaŭ.

«Naša Niva» — bastyjon biełaruščyny

PADTRYMAĆ

Kamientary9

  • maleńkaja architektarka ciemry
    23.10.2024
    cikavy budynak. i ŭdała abyhrana na apošnim fota, dzie barozdy na poli padyhrajuć rebram na fasadzie
  • Vot oni udiviatsia to
    23.10.2024
    Kopija, kupitie očki.
  • Łoł
    23.10.2024
    Pravaja častka, kopija "Dvorca sjezdov" u Maskvie. Ničoha kanceptualna novaha, usio tyja ž 60-ja. Navat kłasičnaja architektura raźvivałasia bolš aktyŭna i raznastajna, čym sučasnaja. Novym možna tut nazvać toje, što hety kramloŭski pałac pastavili ŭ poli. Tam i miesca sučasnaj architektury, u palach ci siarod lesa jana hladzicca nadziva arhanična. A voś u haradach ničoha lepiej za kłasičnuju architekturu jašče nie prydumali, bo kožny kłasičny budynak, heta tvor mastactva u pramym sensie, tamu ludzi va ŭsim śviecie ciahnucca da takich budynkaŭ i lubiać kłasičnyja harady. Bo žyć siarod mastactva pryjemniej, čym u bietonnych skryniach.

Ciapier čytajuć

Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi17

Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi

Usie naviny →
Usie naviny

Žančyna paskardziłasia, što kiroŭca aŭtobusa nie adčyniŭ joj dźviery, choć jašče nie pajechaŭ. Ale ci abaviazany?2

Hihin anansavaŭ kardynalnuju źmienu vyhladu budynka Nacyjanalnaj biblijateki15

Tramp: Na praciahu dvuch tydniaŭ stanie jasna, ci vodzić nas Pucin za nos14

Rasija prapanuje ŭkraincam sustrecca 2 červienia11

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Stryžak raskazaŭ, jak Mielnikava z hrašyma chacieła dałučycca da pracy «Bajsoła»3

Dziaržava pradaje svaju dolu ŭ Pryjorbanku2

U červieni pa ŭsioj Biełarusi buduć ładzicca biaspłatnyja ekskursii3

Ułady rychtujucca nacyjanalizavać aŭtamabilny zavod «Junison»

bolš čytanych navin
bolš łajkanych navin

Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi17

Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić