Viadomaja hramadskaja aktyvistka moža ŭ chutkim časie paŭstać pierad sudom.
Uviečary 19 kastryčnika na vulicu Kazłova ŭ Miensku Nina Bahinskaja vyjšła z płakatam z nadpisam «BNF», piša «Biełsat».
Mienavita ŭ toj dzień 36 hadoŭ tamu byŭ stvorany arhkamitet Biełaruskaha narodnaha frontu.
Spadarynia Bahinskaja mieła namier dajści da budynku, na pieršym paviersie jakoha niekalki hadoŭ zapar mieściłasia Uprava partyi BNF — samaj masavaj partyi kanca 80-ch i pačatku 2000-ch hadoŭ. Aktyvistka chacieła nahadać hramadstvu, što mienavita ź Biełaruskaha narodnaha frontu pačaŭsia sučasny apazicyjny ruch u Biełarusi. Niekalki hadoŭ zapar u ofisie partyi i na vulicy kala jaho štodnia źbiralisia ludzi samych roznych prafiesij, kab abmierkavać padziei, padrychtavać praviadzieńnie akcyj ci paprostu nabyć haziety, časopisy abo knihi.
Siłaviki zatrymali Ninu Bahinskuju na rahu praśpiekta Niezaležnaści i vulicy Kazłova. Žančynu pryvieźli va Upraŭleńnie ŭnutranych spraŭ Savieckaha rajona stalicy.
Tam milicyjant adzieŭ joj kajdanki, pryčym ruki zaviarnuŭ za śpinu, jak niebiaśpiečnaj złačyncy. Nina Bahinskaja maje prablemy ź plačom i jana paprasiła, kab, kali ŭžo milicyjanty bačać takuju nieabchodnaść, to chacia b dali mahčymaść trymać ruki śpieradu. Ale tyja praihnaravali ŭzrost žančyny i jaje fizičny stan. Spadarynia Bahinskaja admoviłasia čytać i padpisvać pratakoł. Jaje trymali ŭ RUUS u kajdankach amal try hadziny i adpuścili da sudu tolki kala 10-j viečara.
Data sudu pakul nieviadomaja. Praktyka apošnich troch hadoŭ śviedčyć ab tym, što zvyčajna pozvy milicyjanty nie dasyłajuć poštaj, a zatrymlivajuć ludziej doma ci na pracy.
Chutčej za ŭsio Ninu Bahinskuju mohuć pakarać čarhovym štrafam. Žančyna ŭdzielničaje ŭ akcyjach apazicyi z 1988 hoda ź vialikim nacyjanalnym ściaham. Jana stała adnym ź simvałaŭ mirnych pratestaŭ Biełarusi. Jaje štrafavali stolki razoŭ, što suma štrafaŭ pieravyšaje jak minimum 20 tysiač dalaraŭ.
-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
-
Novy kanflikt vakoł «Pahoni». Litoŭcy vinavaciać biełaruski futbolny kłub u kradziažy ich simvoliki
-
U Vaŭkavyskim rajonie žycharku vioski aštrafavali za vialikuju kolkaść katoŭ. Ale jurystka dapamahła adbicca
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
Nu chiba, što dalej savieččyna nie vyklikaje ŭ biełarusaŭ drennych asacyjacyi i treba na ruska-saviecki ład niešta pra "fašistov" dapisać? Simvalična, što jakraz čarhovaja hadavina h.zv. Nočy rasstralanych paetaŭ - adnaho sa šmatlikich SAVIECKICH KAMUNISTYČNYCH ZŁAČYNSTVAŬ. A łukašenkaŭskaja Biełaruś - heta praciah toj savieckaj Biełarusi.