Homielskuju piensijanierku Ału Karalenku 1 listapada zatrymali siłaviki i źmiaścili jaje ŭ izalatar časovaha ŭtrymańnia da suda. Takuju infarmacyju zaŭvažyŭ u sacsietkach «Fłahštok».
Užo jak minimum troje sutak 62-hadovaja žančyna praviała ŭ źniavoleńni. Sud pa administracyjnym artykule pavinien adbycca 4 listapada.
Pakul u raskład homielskich sudoŭ jaje proźvišča nie ŭniesienaje. U čym abvinavačvajuć hamialčanku, nieviadoma, vierahodna jaje buduć sudzić za «padpiski» — čarhovuju chvalu anałahičnych sudoŭ zafiksavali pravaabaroncy.
Ału Karalenku, jakaja pracavała inžynieram VA «Biełarusnafta» i ŭ mnohich prajektnych arhanizacyjach, udzielničała ŭ budaŭnictvie hidraelektrastancyi ŭ Niepale, a z 2020 hoda viadomaja jak vałanciorka, zatrymlivajuć užo nie pieršy raz.
U studzieni 2021 hoda jaje asudzili na 15 sutak aryštu za ŭdzieł u navahodnim pikniku ŭ lesie, jaki siłaviki rascanili jak niesankcyjanavanuju akcyju. U červieni 2022 hoda hamialčanku adpravili za kraty na 7 sutak pa tym ža abvinavačvańni — hetym razam niesankcyjanavanaj akcyjaj paličyli sprobu arhanizavać śviata dla ŭkrainskich dziaciej. Tady dziaržaŭnaja presa pravodziła dopyt zatrymanaj, vynikami jakoha stali prapahandysckija ździeklivyja materyjały.
Z tych časoŭ Ała Karalenka nie źjaŭlałasia ŭ publičnaj prastory, nie zajmałasia jakoj-niebudź adkrytaj dziejnaściu.
«U paraŭnańni z 2020-m heta prosta piekła». Fatohraf adbyŭ aryšt za toje, što prachodziŭ kala miesca śviata dla ŭkrainskich dziaciej
Ale Karalenka za arhanizacyju dziciačaha śviata ŭ Homieli dali 7 sutak
Adnu z arhanizatarak śviata dla ŭkrainskich dziaciej u Homieli zabrali ŭ IČU
U Homieli zatrymany fatohraf Siarhiej Łysienka
Piensijanierku, jakaja adsiedzieła «sutki» za karahod u lesie, pakarali aryštam za zdymak la navahodniaj jalinki z partyjnym ściaham
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary