«Nu, narmalnyja ludzi». Łukašenka patłumačyŭ, čamu Čamadanava i Bobrykaŭ źnialisia z vybaraŭ
Alaksandr Łukašenka zajaviŭ, što jany išli ŭ kandydaty, kab nie dać jaho ŭ kryŭdu. Ale ŭ arhanizacyjach ich nie zrazumieli.
Alaksandr Łukašenka patłumačyŭ, čamu Volha Čamadanava i Siarhiej Bobrykaŭ źnialisia z vybaraŭ na etapie zboru podpisaŭ. Pavodle jaho słoŭ, jany nibyta išli na vybary, kab nie dać jaho abrazić.
«Ja byŭ prychilnikam taho, kab usie partyi, bujnyja hramadskija arhanizacyi vyłučali svaich kandydataŭ. Vyłučyli: Volha Čamadanava ŭ nas była i Bobrykaŭ. Nu, narmalnyja ludzi. Kaniečnie, jany prychilniki prezidenta. I jany išli: «My viedajem, što prezident vyjhraje, ale my nie dazvolim jaho abrazić». Nibyta niechta moh by mianie abrazić. A potym pahladzieli, pahladzieli: unutry arhanizacyj nie vielmi heta razumiejuć (ich vyłučeńnie). I jany: «Lepš my źnimiemsia». Nu, jak mianie prainfarmavali. Ja tolki ŭčora daviedaŭsia, što jany źnialisia z hetaj dystancyi. Budziem razam zmahacca za toj kurs, jaki my daŭno vyznačyli», — zajaviŭ Łukašenka.
Pry hetym jon adznačyŭ, što ŭ jaho niama strachu.
«Niama nijakaha strachu, što buduć udzielničać usie, chto zachoča. My bolš nie dadzim mahčymaści krainu ni nachilić, ni pastavić na kaleni, nie daj Boh, złamać. Heta vyklučana, jak by kamu nie chaciełasia», — dadaŭ Łukašenka.
Čamadanava i Bobrykaŭ źnialisia z vybaraŭ, kali nie prajšło i tydnia z pačatku zboru podpisaŭ. Jany abodva zajavili, što całkam padtrymlivajuć Łukašenku.
Ciapier čytajuć
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu5
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4545
Kamientary
Zvučit tak, budto kupił siebie stranu.