Prezident samaabvieščanaj respubliki Abchazija Asłan Bžanija znachodzicca ŭ rodnym siale Tamyš. Pra heta zajavili ŭ pres-słužbie abchazskaha lidara, kamientujučy infarmacyju «Abchazskaha partała», zhodna ź jakoj Bžanija «pieradysłakavaŭsia na terytoryju rasijskaj vajskovaj bazy», piša Echo Kaŭkaza.
Siało Tamyš raźmieščana ŭ Ačamčyrskim rajonie, za 40 kiłamietraŭ ad Suchumi.
Raniej Bžanija źviarnuŭsia da prychilnikaŭ i zajaviŭ, što nie źbirajecca sychodzić u adstaŭku. Apazicyja paśla hetaha vystupiła z ultymatumam, zhodna ź jakim jon pavinien byŭ padać u adstaŭku ciaham hadziny.
Lidar apazicyi Adhur Ardzinba miž tym śćviardžaje, što Bžanija «pieradaje rasijskim siłavym strukturam poŭnuju łuchtu i dezinfarmacyju, nibyta pratestoŭcy rychtujuć napad na rasiejskija pahranzastavy».
U Suchumi mitynhoŭcy, jakija pratestujuć suprać rasiejska-abchazskaha «inviestycyjnaha pahadnieńnia», siońnia źnieśli častku płota vakoł kompleksu ŭradavych budynkaŭ i pranikli na terytoryju, prylehłuju da budynka parłamienta, a zatym i ŭnutr parłamienta i Administracyi prezidenta.
Supracoŭnikaŭ milicyi ŭdzielniki akcyi zakidali jajkami i butelkami, tyja ŭžyli dymavyja šaški, ale surjoznaha supracivu nie akazali. Padčas pratestu paciarpieli 13 čałaviek, traim ź ich spatrebiłasia špitalizacyja, ich žyćciu ničoha nie pahražaje. La parłamienta byli čutnyja i streły.
Na fonie pratestu parłamient admianiŭ siesiju, na jakoj pavinna było prajści hałasavańnie pa pytańni ratyfikacyi inviestycyjnaha pahadnieńnia z Maskvoj, a ŭ Administracyi prezidenta paabiacali jaho adklikać.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ7
Kamientary