«Kali b jon pajšoŭ pa inšym šlachu, było b pa-inšamu». Kamandzir Pałka Kalinoŭskaha prakamientavaŭ situacyju ź Vieramiejčykam
U subotu bajcy Pałka Kalinoŭskaha naviedali Vilniu. Ich kamandzir Pavieł Šurmiej prakamientavaŭ situacyju z zatrymanym u Vjetnamie i departavanym u Biełaruś Vasilom Vieramiejčykam.
«Ad samaha pačatku robicca ŭsio mahčymaje. Kab usie zrazumieli — niekatoryja spravy treba rabić cicha. Ale kab niechta nie skazaŭ, što možna zamaŭčać prablemu», — skazaŭ Pavieł Šurmiej.
Jon taksama dadaŭ, što čaść, dzie słužyŭ Vieramiejčyk, dakładna nie rabiła zabarony na ŭjezd taho va Ukrainu.
«Va Ukrainie vyśviatlajuć abstaviny, čamu ŭ Vasila była zabarona. Treba viedać, što i jak było. Kali čałaviek žadaje trapić va Ukrainu, navat były vajar, byvajuć vypadki, kali čałaviek niešta robić, da čaho tyja ž pamiežniki mohuć pastavicca pa-słužbovamu. Jak i litoŭskaja dziaržava, jakaja pahladzieła kiejs Vasila i pastaviła ptušačku. Kali b jon pajšoŭ pa inšym šlachu, było b pa-inšamu», — padzialiŭsia Pavieł Šurmiej.
Kamientary