Ihara Karnieja vinavaciać u złosnym niepadparadkavańni patrabavańniam administracyi kałonii. Heta abvinavačańnie ŭłady vykarystoŭvajuć, kab nie vypuskać čałavieka ź miescaŭ źniavoleńnia.
U sudzie Škłoŭskaha rajona 11 śniežnia raspačniecca razhlad čarhovaj kryminalnaj spravy suprać palitźniavolenaha žurnalista i błohiera Ihara Karnieja, jakoha ŭ sakaviku hetaha hoda asudzili da troch hadoŭ źniavoleńnia. Spravu budzie razhladać sudździa Alaksandr Tarakanaŭ, piša «Viasna».
Ihara abvinavačvajuć pavodle č. 1 art. 411 KK (złosnaje niepadparadkavańnie patrabavańniam administracyi kałonii). Viadoma, što administracyja škłoŭskaj kałonii № 17 źmiaščała žurnalista niekalki razoŭ u PKT. Faktyčna, ciapier jaho buduć sudzić u kryminalnym paradku za «parušeńni», za jakija jon užo atrymaŭ spahnańni ad administracyi. Žurnalistu mohuć dadać jašče adzin hod pazbaŭleńnia voli.
Cichanoŭski raskazaŭ, što treba było rabić u žniŭni 2020-ha62
Kamientary