Oksfardski słoŭnik anhlijskaj movy pa vynikach publičnaha hałasavańnia, u jakim uziali ŭdzieł bolš za 37 tysiač čałaviek, abraŭ nazoŭnik hoda. Im stała paniaćcie brain rot, što dasłoŭna aznačaje «zaśmiečvańnie mozhu», «raskładańnie mozhu», abo «hnijeńnie mozhu». Pra heta paviedamlajecca 2 śniežnia na sajcie Oksfarda.
Brain rot Oksfardski słoŭnik vyznačaje jak «mierkavanaje paharšeńnie psichičnaha abo intelektualnaha stanu čałavieka, jakoje hałoŭnym čynam uźnikaje jak vynik praźmiernaha spažyvańnia materyjałaŭ (ciapier asabliva anłajn-kantentu), jakija ličacca tryvijalnymi, niaznačnymi ci nie patrabujuć namahańniaŭ. Taksama niešta, što moža ź vialikaj vierahodnaściu pryvieści da takoha paharšeńnia».
Pieršaje zafiksavanaje vykarystańnie hetaha słova vyjaŭlena ŭ 1854 hodzie ŭ knizie Hienry Devida Tora «Uołden, abo žyćcio ŭ lesie», u jakoj jon apisvaje svoj dośvied žyćcia ŭ naturalnym asiarodździ.
Kamientary