Azaronak zajaviŭ, što staŭ miakčejšym, i patłumačyŭ, čamu zdaŭ nazad
«Čas raskidvać kamiani, čas ich źbirać».
Prapahandystka Ludmiła Hładkaja ŭ razmovie z Ryhoram Azaronkam zaŭvažyła, što jaho rytoryka apošnim časam nibyta stała miakčejšaj. Jana ličyć, što heta zaŭvažna i pa jaho strymach.
Azaronak zrabiŭ vyhlad, što tak jano i jość:
«Zrazumieła, čas raskidvać kamiani, čas ich źbirać. Čas špurlacca kamianiami pa jołupniach, a čas hetych jołupniaŭ pryvodzić da prytomnaści».
Prapahandyst pryvioŭ prykład: «Kali čałaviek mocna buchi, to ty ź im nie budzieš intelihientna razmaŭlać. Treba ŭziać jaho za vałasy, zasunuć jaho mordaju ŭ ledzianuju vadu i jašče paru razoŭ pa ščokach dać. Potym na nastupny ranak jamu drenna. Jon nie viedaje, što jon narabiŭ, čamu tak usio adbyłosia. I ty jamu pačynaješ tłumačyć: «Voś ty niešta narabiŭ. Čałaviek, nie rabi tak bolš. Voś prykładna tak ciapier i adbyvajecca».
Vysłuchaŭšy hety Hładkaja zaŭvažyła: «Ty tonki psichołah, Ryhor».
Užo doŭhi čas inšyja prapahandysty namiakajuć Azaronku, što jaho praca ŭ takoj chamskaj stylistycy prynosić łukašenkaŭcam bolš škody, čym karyści. Pra heta pisaŭ i telehram-kanał «Hrafač», źviazany ź ministram infarmacyi Maratam Markavym.
U hutarcy z Hładkaj Azaronak pryznaŭsia, što na jaho pisali šmat skarhaŭ u Ministerstva infarmacyi. Ale zastałosia niavyśvietlenym, ci «miakkaść» vykazvańniaŭ źviazanaja mienavita z hetym.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary