Hramadstva99

U Vilni prajšoŭ druhi raŭnd Stratehičnaha dyjałohu pamiž uradam ZŠA i demakratyčnym rucham Biełarusi

Stratehičny dyjałoh — heta płatforma dla ŭmacavańnia doŭhaterminovych adnosinaŭ demakratyčnaha ruchu Biełarusi z uradam Złučanych Štataŭ Amieryki, jakaja startavała letaś. Čarhovaja jahonaja siesija prajšła 4 śniežnia ŭ Vilni.

Dyjałoh, uznačaleny namieśnikam pamočnika dziaržsakratara ZŠA pa jeŭrapiejskich i jeŭrazijskich spravach Krystafieram U. Śmitam i biełaruskaj demakratyčnaj lidarkaj Śviatłanaj Cichanoŭskaj, sabraŭ pradstaŭnikoŭ roznych amierykanskich uradavych ustanoŭ, a taksama šyrokaje koła biełaruskich demakratyčnych dziejačaŭ i pradstaŭnikoŭ hramadzianskaj supolnaści.

Udzielniki abmierkavali represii ŭ Biełarusi, ZŠA jašče raz padkreślili svoj zaklik da biezumoŭnaha vyzvaleńnia ŭsich palitviaźniaŭ, jakija znachodziacca ŭ biełaruskich turmach. Taksama Złučanyja Štaty vykazali hatoŭnaść sadziejničać pryciahnieńniu režymu da adkaznaści za parušeńni pravoŭ čałavieka.

Asobnaja ŭvaha była nadadziena prahramam, nakiravanym na prasoŭvańnie i abaronu nacyjanalnaj i kulturnaj identyčnaści biełarusaŭ, uklučajučy ich movu, litaraturu, mastactva i historyju.

Adnosna vybaraŭ, zapłanavanych na 26 studzienia 2025 hoda, abodva baki adznačyli, što režym Łukašenki stvaraje atmaśfieru strachu, pry jakoj vybarčyja pracesy nielha ličyć demakratyčnymi.

Z 2020 hoda ahulnaja suma amierykanskaj dapamohi dla biełarusaŭ skłała bolš za 140 miljonaŭ dalaraŭ. Złučanyja Štaty taksama vydzielili 1,5 miljona dalaraŭ na padtrymku rasśledavańniaŭ i zbor dokazaŭ pa spravach paciarpiełych, a taksama bolš za 1,1 miljona dalaraŭ u vyhladzie hrantaŭ dla inicyjatyŭ, jakija ŭklučajuć zachavańnie biełaruskaj kultury i identyčnaści, navučańnie anhlijskaj movie dla miedycynskich rabotnikaŭ i dapamohu žančynam-pradprymalnicam.

Śviatłana Cichanoŭskaja ŭ svaim vystupleńni zrabiła asnoŭny akcent na ŭdaskanalvańni stratehii pa padtrymcy Biełarusi. Jana adznačyła: 

«Kali my kažam pra palityku ŭ dačynieńni da Biełarusi, klučavym słovam pavinna być paśladoŭnaść. Mienavita hetaha my čakajem ad Złučanych Štataŭ i ŭsich demakratyčnych sajuźnikaŭ».

Na jaje dumku, u stratehii krain Zachadu ŭ dačynieńni da Biełarusi musiać być 4 kampanienty:

1) Cisk na Łukašenku i jaho režym. Majucca na ŭvazie ekanamičnyja sankcyi biez ščylinaŭ, sankcyi suprać Rasii, druhasnyja sankcyi. 

2) Dapamoha dla ludziej, hramadzianskaj supolnaści, ŚMI, pravaabaroncaŭ, represavanych i demakratyčnych instytutaŭ.

3) Pryciahnieńnie vinavatych da adkaznaści, dakumientavańnie ich złačynstvaŭ.

4) Abaviazacielstvy pakazvać biełarusam alternatyvu, što ŭ ich jość budučynia i što jany buduć mieć padtrymku padčas pierachodnaha pieryjadu.

Kamientary9

  • Hańba
    04.12.2024
    Lepš by zbroju dali.
  • Andrew
    05.12.2024
    Kruto. Za 4 hoda diemokratičieskoje soobŝiestvo uśpiešno «raśpiliło» boleje 140 młn. $. Intieriesno, a na boŕbu s riežimom iz etoj summy čto-to pošło?:)
  • Callaghan
    05.12.2024
    140 miljonaú za 4 hady im dali ?!
    navat sipaty skraú mieńš
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Usie naviny →
Usie naviny

Hładkaja nazvała Bondaravu i Mirsalimavu čarviami. Azaronak i Łukjanaŭ patrabujuć likvidacyi14

U Niderłandach zabity finansist, jaki raskazaŭ pra admyvańnie hrošaj, arhanizavanaje ŭ minskim H Casino4

Pamočnik Cichanoŭskaj Daniła Harkavy i dola nieviadomych10

Daždžy, ciapłyń, paśla zamarazki: voś što treba viedać pra nadvorje na vychadnyja i paśla

Pakładzicie limon u mikrachvaloŭku — piać chvilin kajfu harantavanyja4

U Minsk ściahvajecca vajskovaja technika1

U Vałhahradzie katafałk ulacieŭ u padziemny pierachod1

Cichanoŭskaja: Rasijskaja apazicyja pavinna dystancyjavacca ad impieryjalistyčnaha naratyvu21

Biełaruskaja čyhunka źbirajecca pravieści aptymizacyju štatu na 30%8

bolš čytanych navin
bolš łajkanych navin

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić