U siaredzinie listapada, całkam adbyŭšy termin, vyjšaŭ na volu doktar-nieŭrołah Alaksandr Cialeha, paviedamlaje «Viasna». Jon pravioŭ u źniavoleńni bolš za try z pałovaj hady.
Alaksandr Cialeha
Alaksandr Cialeha — lekar-nieŭrołah z Barysava. Jon pracavaŭ u rasijskim Narylsku, a na radzimu pryjechaŭ u krasaviku 2021 hoda ŭ adpačynak.
Zatrymany Cialeha byŭ 3 maja 2021 hoda ŭ Barysavie za abrazu pradstaŭnikoŭ pravaachoŭnych orhanaŭ. Suprać jaho pačali kryminalnuju spravu (art. 369 KK).
U sudzie Leninskaha rajona Hrodna 21 studzienia 2022 hoda Alaksandra asudzili da čatyroch hadoŭ kałonii za kamientary ŭ internecie.
Padčas razhladu spravy stała viadoma, što jon pakinuŭ 32 kamientary ŭ dačynieńni da čynoŭnikaŭ, siarod ich — kamandzir minskaha AMAPa Dźmitryj Bałaba, pamočnica prakurora Frunzienskaha rajona Minska Alina Kaśjančyk, sudździa suda Frunzienskaha rajona Minska Maryja Jarochina, namieśnik hienprakurora Alaksiej Stuk. Alaksandr rastłumačyŭ na sudzie, što jon vałancioryŭ pad Akreścina padčas žnivieńskich pratestaŭ, tamu jaho pierapaŭniali emocyi i jon tak šmat kamientavaŭ. Na sudzie stała viadoma, što adzin z paciarpiełych pa spravie źbivaŭ Cialehu pry zatrymańni.
1 listapada 2022 hoda nad palitviaźniem raspačaŭsia novy praces u sudzie Puchavickaha rajona, znoŭ za kamientary. U vyniku sud pryznačyŭ jamu adzin hod źniavoleńnia, ale šlacham pahłynańnia bolš strohaha pakarańnia mienš strohim termin pakinuli raniejšym. Adbyvaŭ terminy Cialeha ŭ Babrujskaj i Ivacevickaj kałonijach.
Sioleta ŭ krasaviku Alaksandru ŭzmacnili režym pakarańnia i pieraviali na turemny režym u Mahiloŭ.
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary