U Izabielinie adnaŭlajuć sinahohu, pabudavanuju ŭ časy Vialikaha Kniastva Litoŭskaha
Paśla bolš jak paŭstahodździa dehradacyi i zaniadbańnia pomnik architektury znoŭ nabyvaje svajo histaryčnaje abličča.
Paśla praviadzieńnia supraćavaryjnych rabot, umacavańnia raskołatych ścien skrepami, a taksama zakładki prajomaŭ, budynak u vioscy Izabielin Vaŭkavyskaha rajona nakryvajuć časovym dacham. Novy dach robiać jarusnym, jakim i byŭ dach sinahohi ŭ pačatku XX stahodździa.
Izabielinski kahał, padparadkavany Msibaŭskamu, byŭ zasnavany ŭ 1777 hodzie. Prykładna tady ž, u druhoj pałovie XVIII stahodździa, była ŭźviedziena muravanaja sinahoha.
Stanam na 1897 hod u Izabielinie pražyvali 454 jaŭrejaŭ, u 1921 hodzie ich stała ŭžo 1709. Syn izabielinskaha rabina Jakava Mieira Kraŭčynskaha, rabin Zieeŭ Hołd, byŭ adnym ź lidaraŭ sijanisckaj arhanizacyi «Mizrachi» ŭ ZŠA, a ŭ mai 1948 hoda padpisaŭ Dekłaracyju niezaležnaści dziaržavy Izrail.
U pačatku 1942 hoda nacysty stvaryli ŭ Izabielinie hieta, jakoje likvidavali ŭžo ŭ listapadzie, rasstralaŭšy 31 čałavieka. Astatnich jaŭrejaŭ pahnali ŭ łahier u Vaŭkavysku, a adtul u łahier śmierci Aŭšvic.
Paśla vajny budynak byŭ mocna pierabudavany. Sinahohu vykarystoŭvali pad roznyja sielskahaspadarčyja patreby, u tym liku viandlarny cech i bar. U apošnija hady budynak stajaŭ pusty.
Izabielinskuju sinahohu ŭ svaju ŭłasnaść prydbaŭ «Majontak Padarosk», jaki adnaŭlaŭ siadzibu Bochvicaŭ u niedalokim Padarosku i finansavaŭsia biznesoŭcam i miecenatam biełaruskaha pachodžańnia Paŭłam Padkarytavym. Isnavała ideja ab stvareńni na bazie sinahohi adukacyjnaha centra pa zachavańni kulturnaj spadčyny Izabielina.
Prablemy ŭ turystyčnaha pradpryjemstva «Padarosk» źjavilisia ŭ 2022 hodzie, kali suprać jaho supracoŭnikaŭ pačali kryminalny pieraśled pa abvinavačvańni ŭ niaspłacie padatkaŭ i strachavych unioskaŭ z zarobkaŭ rabotnikaŭ amal na 400 000 rubloŭ.
Kryminalnaja sprava ŭrešcie była spyniena, ale siadzibu, jakaja źjaŭlajecca historyka-kulturnaj kaštoŭnaściu, u Padkarytava zabrali ŭ dziaržaŭnuju ŭłasnaść. Izabielinskaja sinahoha ž achoŭnaha statusu nie mieła.
«Naša Niva» — bastyjon biełaruščyny
PADTRYMAĆU kaplicy pad Smarhońniu paniščyli sarkafahi i raskidali čałaviečyja pareštki
Źjavilisia ścieny i brama — hladzicie, jak źmianiŭsia Navahrudski zamak
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud
U Budsłaŭskim kaściole raskryli nieviadomyja raniej rośpisy
Jak vyhladaje suśvietna viadomaja jaŭrejskaja sieminaryja ŭ Vałožynie paśla restaŭracyi — šmat FOTA
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary