Vystup adbudziecca 9 žniŭnia 2025 hoda — data, jakaja źviarnuła na siabie ŭvahu
Vyhladaje, što data abranaja nievypadkova, bo 9 žniŭnia nastupnaha hoda budzie 5-ja hadavina hałasavańnia na prezidenckich vybarach 2020 hoda. Prodaž kvitkoŭ pačaŭsia 10 śniežnia.
Maks Korž — adzin z samych viadomych biełaruskich śpievakoŭ. Apošnija hady jon nie vystupaŭ u Biełarusi, bo jaho ŭnieśli ŭ čorny śpis. Praz svaju antyvajennuju pazicyju artyst nie moža davać kancerty i ŭ Rasii, dzie ŭ jaho vializnaja aŭdytoryja.
U 2022 hodzie paśla pačatku vajny jon vypuściŭ pieśniu «Svoj dom». Tam jość nastupnyja radki: «Tot prav, kto zaŝiŝajet svoj dom». U druhija ŭhodki vajny prezientavaŭ pieśniu «Chałodnaja ranica».
U lipieni 2024 na kancercie ŭ Talinie jon zaklikaŭ spynić vajnu. «Možna žyć u kajf, ale pakul my nie spynim vajnu, paŭnavartasna žyć u kajf u nas nie atrymajecca. Spynicie vajnu. Nichto, akramia nas, jaje nie spynić», — zajaviŭ sa sceny artyst.
15 kastryčnika łukašenkaŭskija siłaviki paviedamili, što patelefanavali Maksu Karžu i vyklikali jaho na hutarku. Nahodaj dla hetaha staŭ nibyta «šerah skarhaŭ». HUBAZiK byŭ niezadavoleny tym, što na jaho kancertach niekatoryja ludzi ŭzdymajuć bčb-ściahi, a samoha Karža abvinavaciŭ u padtrymcy Ukrainy ŭ vajnie.
Na hutarku Korž nie źjaviŭsia, a zamiest taho vyjechaŭ za miažu. Praź miesiac jon vydaŭ pravakatyŭny i šmatsensoŭny klip.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary