Ejsmant pra infarmacyjnuju vajnu: Dziaržaŭnyja ŚMI hodna trymajuć udar
Apošnim čas dziaržaŭnyja srodki masavaj infarmacyi kardynalna źmianili svaju pracu i hodna trymajuć udar. Takoje mierkavańnie žurnalistam vykazaŭ staršynia NDTRK Ivan Ejsmant na respublikanskaj navukova-praktyčnaj kanfierencyi «Aktualnyja prablemy sacyjalnaj palityki i ideałohii» ŭ Akademii kiravańnia pry Prezidencie Biełarusi, piša BiełTA.
«Pra rolu žurnalistaŭ u zabieśpiačeńni infarmacyjnaj biaśpieki vielmi šmat apošnim časam havorać. Užo nabiŭ askomu vyraz, što my žyviem u epochu infarmacyjnaj vajny, ale heta adpaviadaje rečaisnaści. Našy zachodnija byłyja partniory vydzialajuć vielizarnyja hrošy nibyta na raźvićcio demakratyi ŭ Biełarusi, nasamreč — na baraćbu ź dziaržaŭnaj uładaj u našaj krainie.
Inšaje pytańnie, kudy hetyja hrošy dziavajucca. Jość padazreńnie, što bolšaj častkaj jany raskradajucca, što niadrenna dla nas, ale ŭsio roŭna nam treba być napahatovie. Viadoma, u apošni čas dziaržaŭnyja srodki masavaj infarmacyi kardynalna źmianili svaju pracu. Ja liču absalutna viernym, što my da hetaha tak nie pracavali, bo čas nie dyktavaŭ, nie było ŭ hetym nijakaha sensu. Ciapier my chutka pierabudavalisia, ja dumaju, što my hodna trymajem udar», — skazaŭ Ivan Ejsmant.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary