Dabracca maršrutkaj z Hrodna ŭ Viciebsk možna budzie bieź pierasadak — heta adzin z samych doŭhich maršrutaŭ u krainie
Maršrut praz usiu Biełaruś zapuściła hrodzienskaja firma «Pazityŭ-tur». Šlach z Hrodna ŭ Viciebsk składzie amal 600 km, ale rabić pierasadki nie daviadziecca. U tydzień buduć kursiravać try takija rejsy. Bilety možna kupić u servisie-ahrehatary «Atłas», piša hrodna.life.
Bilet Hrodna — Viciebsk abydziecca ŭ 65 rub.
Pajezdki Hrodna — Viciebsk stanuć dastupnyja ŭžo 3 studzienia, paviedamlajuć u Telegram-kanale «Atłas».
U raskład uniesieny try rejsy na tydzień: pa piatnicach, subotach i niadzielach aŭtobus budzie vyjazdžać z Hrodna ŭ 14:15. Čas u darozie składzie 9 hadzin 13 chvilin.
U subotu, niadzielu i paniadziełak aŭtobus viartajecca ź Viciebsku ŭ 7:10, pry hetym čas u darozie krychu karaciejšy — 9 hadzin 10 chvilin.
Maršrut nie praduhledžvaje pierasadak. Taksama hrodziency zmohuć napramuju dabracca da Ašmian, Smarhoni, Vilejki, Miadziela, Naračy, Połacka i Navapołacka.
Košt poŭnaha bileta — 65 rub. Pajezdka z Hrodna da Miadziela abydziecca ŭ 45 rub., da Naračy — 50 rub.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary