U škole ŭ Pieciarburhu paviesili fatahrafii ŭdzielnikaŭ Ruskaha dobraachvotnickaha korpusu z nadpisam «hieroi Rasii»
Fotazdymki Dzianisa Kapuścina i Alaksieja Leŭkina, jakija vajujuć na baku Ukrainy, vyviesili na stendzie infarmacyi ad palicyi.
U chole adnoj sa škoł Sankt-Pieciarburha 26 śniežnia vyviesili fatahrafii zasnavalnika ruskaha Dobraachvotnickaha korpusa Dzianisa Kapuścina i ŭdzielnika bataljona Alaksieja Leŭkina, jakija vajujuć na baku USU.
Fatahrafii źjavilisia na stendzie «infarmacyja ad inśpiektara adździeła pa spravach niepaŭnaletnich». Abodva zdymki padpisali jak «hieroi Rasii», piša «Fantanka».
U škołu vyklikali palicyju, siłaviki zatrymali namieśnika dyrektara pa vychavaŭčaj pracy, ale jana admaŭlaje svajo dačynieńnie da incydentu.
Palicyja šukaje tych, chto razdrukavaŭ i vyviesiŭ fota ŭ škole. Vyrašajecca pytańnie ab kryminalnaj spravie pa artykule ab «apraŭdańni teraryzmu».
Dzianis Kapuścin i Alaksiej Leŭkin u Rasii zavočna aryštavanyja pavodle abvinavačvańniaŭ u teraryźmie. Zasnavalnik RDK dvojčy zavočna asudžany ŭ Rasii na pažyćciovaje źniavoleńnie pavodle abvinavačvańniaŭ u dziaržaŭnaj zdradzie i złačynstvach, źviazanych z udziełam u bajavych dziejańniach na baku Ukrainy.
Ciapier čytajuć
Buchi Ihar ź Viciebska ŭžo nie viedaje, jak adbicca ad padarunkaŭ ad roznych brendaŭ. I ŭžo zvalniajecca z zavoda26
Kamientary