Ekstremist, schilny da ahresii i zachopu zakładnikaŭ. Što aznačajuć ličby na žoŭtaj bircy Viktara Babaryki
Na fota Viktara Babaryki, jakoje zrabiŭ u Navapołackaj kałonii Raman Pratasievič, dobra vidać žoŭtuju birku palityka. Što pa joj možna skazać?
Łukašenkaŭcy ŭpieršyniu za doŭhi čas pakazali Viktara Babaryku — jon źjaviŭsia na karotkim videa, zapisanym u pakoi Navapołackaj kałonii. Babaryka schudnieły, ale žyvy. Kantaktu ź im nie było amal dva hady.
Na vykładzienych Ramanam Pratasievičam fota adrazu kidajucca ŭ vočy žoŭtaja birka Viktara Babaryki i bačnyja na joj ličby ŭ levym nižnim kucie — 3 i 10. Jany aznačajuć prafiłaktyčnyja ŭliki, na jakija pastavili palityka.
Prafulik №10 — «schilny da ekstremisckaj i inšaj destruktyŭnaj dziejnaści».
Prafulik №3 — «schilny da napadzieńnia na administracyju, zachopu zakładnikaŭ i prajavy ahresii».
Dziasiaty prafiłaktyčny ŭlik čaplajuć aŭtamatam usim palitźniavolenym. Farmalnaja začepka — toje, što jany byli asudžanyja pa ekstremisckich kryminalny artykułach. Ale taki prafulik atrymlivajuć nie tolki palitviaźni. Jaho dajuć i tym, chto mieŭ palityčnuju administratyŭku paśla 2020 hoda, a paśla byŭ asudžany pa lubym niepalityčnym artykule — choć za narkotyki, choć za machlarstva.
Z trecim prafulikam situacyja inšaja — jaho zvyčajna viešajuć na tych źniavolenych, u kryminalnych spravach jakich fihurujuć «paciarpiełyja» z boku supracoŭnikaŭ siłavych viedamstvaŭ i inšych aficyjnych pradstaŭnikoŭ režymu Łukašenki. Ale znoŭ-taki hety prafulik atrymlivajuć nie tolki palitviaźni. Naprykład, jaho časova možna atrymać i za pobytavuju bojku ź inšym źniavolenym.
Akramia treciaha i dziasiataha prafulikaŭ, isnuje jašče i inšyja — «schilnaść da suicydu», «schilnaść da azartnych hulniaŭ», «prynaležnaść da arhanizavanaj złačynnaj hrupoŭcy (ci zajmańnie pałažeńnia ŭ złačynnaj ijerarchii)». Źniavolenyja z hetymi prafulikami taksama nosiać žoŭtyja birki.
Vyklučeńnie zroblena tolki da tych, chto maje «schilnaść da ŭciokaŭ». U ich birka čyrvonaja, kab takija źniavolenyja jašče bolš kidalisia ŭ vočy supracoŭnikam kałonii.
Luby prafiłaktyčny ŭlik supravadžajecca ŭzmocnienymi mierami kantrolu, takimi jak častyja pravierki, abmiežavańni ŭ pieramiaščeńni i asablivyja ŭmovy ŭtrymańnia. Naprykład, źniavolenyja z takim statusam abaviazany niekalki razoŭ u dzień adznačacca ŭ dziažurnaha aficera i padviarhajucca dadatkovym mieram nahladu.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy23
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary
K čiemu viedu. Mienty, hubošlopiki, khb i pročaja šval sostoit iz takich žie ubludkov. Istorija povtoriajetsia. "Istorik", otkryto voschiŝavšijsia odnim avstrijskim chudožnikom, jejo povtorił. Dostojnyj učienik.