Hramadstva5757

Chalezin: Rašeńnie Babaryki pajści ŭ prezidenty — heta pošuk sensu žyćcia paśla śmierci žonki

U novym vypusku TOKu viadomy režysior Mikałaj Chalezin raskazaŭ pra svajo staŭleńnie da Viktara Babaryki.

«Ja lohka moh bačyć Babaryku prezidentam. (…) Ja z mnohimi vielmi blizkimi da jaho ludźmi pahavaryŭ. Ja jaho zrazumieŭ jak piersonu, zrazumieŭ, pra što jon.

Pa-pieršaje, heta čałaviek dobry pieršapačatkova. Heta prosta vidavočna. Druhoje, heta čałaviek sa stratehijaj. To-bok, u jaho stratehija była na ŭsich fazach. Što b jon ni ŭznačalvaŭ, u jaho była stratehija»,

— razvažaje režysior Mikałaj Chalezin.

«Kali kazali, što jon ruski, kali Paźniak nios hetuju ŭsiu bielibierdu pra toje, što heta maskal, Hazprom i hetak dalej… Paźniak prosta historyju zabyŭsia. Jon prosta nie pamiataje,

— zaŭvažaje režysior i tłumačyć:

Babaryka ŭznačalvaŭ Bank Alimp u toj čas, kali ŭ Biełarusi była dyktatura, a ŭ Rasii była nibyta demakratyja. I chto chacieŭ by abjadnacca z «Hazpramam»? Usie banki — kožny vaźmi! I kožny b skazaŭ: «Dy my chočam, viadoma».

Ale hety [Bank Alimp] zmoh prapanavać kancept. Zdoleŭ pravieści pieramovy. Zmoh damovicca i ŭvajšoŭ u hety puł. Naturalna, jon jaho nie moh potym užo adkinuć. (…) Užo pamianiałasia situacyja ŭ Rasii, ale ty ŭžo nie možaš vyjści z hetaha. Choć, moža być, jon i chacieŭ by».

Rašeńnie Babaryki pajści ŭ prezidenty Chalezin nazyvaje samazabojstvam. Ale jon padkreślivaje, što heta było rašeńnie, pryniataje ź imknieńnia znajści novy sens u žyćci paśla trahičnaj śmierci žonki. Nahadajem, Maryna Babaryka zahinuła ŭ 2017 hodzie padčas zaniatkaŭ dajvinham na adpačynku na partuhalskim vostravie Madejra.

«Jon na heta rašyŭsia, tamu što pačaŭ vybirać misiju. (…) Kali ŭ ciabie niedarečna sychodzić z žyćcia samy blizki tabie čałaviek, ty chočaš niešta zrabić, kab sabie prydumać novy sens.

I jon voś tak i znajšoŭ hety sens. Paraiŭsia z synam, paraiŭsia z dačkoj — i pajšoŭ. I voś dzie jon apynuŭsia. I zaraz jon prachodzić toj pieryjad, jaki mała kamu vypadaje. Kali ty byŭ kandydatam u prezidenty, a staŭ źniavolenym. I pry hetym ty nie ździejśniŭ ničoha».

Chalezin upeŭnieny, što ŭ Babaryki była stratehija adnosna praviadzieńnia pieradvybarčaj kampanii, i jon spadziavaŭsia na jaje paśpiachovaść. U tym liku na toje, što zmoža damovicca z Maskvoj.

Chalezin źviartaje ŭvahu, na toje, što Viktar Babaryka lohka moža intehravacca ŭ lubuju temu. U jakaści prykładu jon pryvodzić kalekcyju karcin «Biełhazprambanka»:

«Nie kožny nabor navat darahich artefaktaŭ možna nazvać kalekcyjaj. Kalekcyja — heta ŭ pieršuju čarhu kancept. Hetyja rečy mohuć być niedarahimi, ale kali ŭ ich dakładna vytrymana kanceptualnaja linija, to heta budzie dobraje.

Nie budučy kurataram, nie budučy mastactvaznaŭcam, jon stvaryŭ dobruju kalekcyju. Bo jon uziaŭ vielmi vuzki siehmient, vielmi pravilny, i sam adsočvaŭ źjaŭleńnie na aŭkcyjonach artefaktaŭ. A značyć, jon moža intehravacca ŭ lubuju temu. Jon moža vyvučyć i pryniać pravilnaje rašeńnie. Dla mianie jon byŭ takim čałaviekam. Napeŭna, kali b hałasavaŭ, pieršapačatkova ja b za jaho hałasavaŭ».

Hladzicie całkam:

Kamientary57

  • Šmalezin
    24.12.2024
    "Chalezin upeŭnieny, što ŭ Babaryki była stratehija adnosna praviadzieńnia pieradvybarčaj kampanii". Chalezin viarzie purhu. Dastatkova ŭspomnić interviju Babaryki Šrabmanu, kab zrazumieć, što nie było tam hłybokaj stratehii. Šrajbman pytaŭsia, što jon budzie rabić, kali režym prosta jaho pasodzić. Babaryka ŭ adkaz marmytaŭ niešta nakštałt "a što skaža narod, kali jaho niekalki miljonaŭ?". Dy ničoha narod nie skaža... I ŭsia niedaskanałaść "stratehii" była vidavočnaj z samaha pačatku.
    • Biełarus z-pad Maładečna
      24.12.2024
      Šmalezin, usio pravilna. Meta ŭdziełu Babaryki ŭ kampanii 2020 – razhajdać sytuacyju, asłabić vusataha. Toje ž samaje što ŭ 2010-m hodzie kali rasiejskija śpiecsłužby finansavali kampanii Niaklajeva-Dźmitryjeva i Sańnikava.
  • Biełarus z-pad Maładečna
    24.12.2024
    Pisaŭ ža ŭčora što i Radzina i Chalip supracoŭničajuć z rasiejskimi śpiecsłužbami. Nie prajšło i sutak jak u zahałovak redakcyja vynosić chłuślivaje śćvierdžańnie Chalezina faktyčna "papuskajučy" jaho da ŭzroŭniu Radzinaj.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku3

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Usie naviny →
Usie naviny

Partyju, jakuju aktyŭna padtrymlivajuć łukašysty, pryznali ekstremisckaj u Hiermanii43

Błohiera Biaspałava zavočna asudzili na 18 hadoŭ. Suma kampiensacyi źmienšyłasia ŭ šmat razoŭ2

Turysty kupili tur u Ryhu, praviali 36 hadzin u aŭtobusie, ale navat nie trapili ŭ Jeŭrasajuz10

Prapahandyst ANT pachvaliŭsia, jak razhavaryŭ dla svajho filma biełarusaŭ zamiežža. Nasamreč jon navat nie razmaŭlaŭ ź imi6

Skandalny minski restaran źmianiŭ nazvu, ale ŭłaśniki brenda ŭsio roŭna niezadavolenyja

Biełarus niekalki razoŭ paśpiachova pryjazdžaŭ z Polščy na radzimu. A ŭ apošni raz nie zmoh vyjechać praz palityčnuju kryminałku25

Biełaruskich školnikaŭ buduć vučyć kiravać dronami13

Biełaruskija ŭłady letaś dasłali zapyt na vydaleńnie 50 videa z YouTube. Im admovili4

Džuli Devis, jakuju niekali pryznačali pasłom ZŠA ŭ Biełarusi, uznačalić dypmisiju ŭ Kijevie

bolš čytanych navin
bolš łajkanych navin

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku3

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Hałoŭnaje
Usie naviny →

Zaŭvaha:

 

 

 

 

Zakryć Paviedamić