U Viciebsku na milicejskich stendach paviesili fatazdymki žurnalistaŭ i aktyvistaŭ
Na stendach kala troch rajadździełaŭ milicyi Viciebska, dzie raźmiaščajuć vyjavy tych, chto znachodzicca ŭ vyšuku, možna ŭbačyć zdymki asobaŭ, viadomych u demakratyčnym asiarodździ horada.
Heta pravaabaroncy Pavieł Levinaŭ i Iryna Traćciakova, eks-palitźniavoleny Michaił Žamčužny, daśledčyk historyi stalinskich represij Jan Dziaržaŭcaŭ, žurnalistka Alena Šabunia, redaktar internet-vydańnia «Vitiebskij Kuŕjer news» Alaksandr Kornyšaŭ, aktyvist Dźmitryj Karniajenka i inšyja viadomyja asoby, piša Viciebskaja viasna.
Miarkujučy pa podpisach da fotazdymkaŭ, Paŭła Levinava i Irynu Traćciakovu vinavaciać pavodle č.2 art. 342 Kryminalnaha Kodeksa (arhanizacyja i padrychtoŭka dziejańniaŭ, jakija parušajuć hramadski paradak), Alenu Šabuniu — pavodle art. 361 Kryminalnaha Kodeksa (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś).
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary