Aryna Sabalenka abviaściła pra chutkaje zaviaršeńnie karjery i stvareńnie siamji
«Ja spadziajusia, što ŭ mianie budzie siamja», — skazała pieršaja rakietka śvietu, jakaja sustrakajecca z brazilskim pradprymalnikam hreckaha pachodžańnia Hieorhijasam Franhulisam.
Aryna Sabalenka abviaściła pra chutkaje zaviaršeńnie karjery i stvareńnie siamji, piša «Sport Biełarusi».
«Mnie treba bierahčy ściohny i śpinu. Mnie 26 hadoŭ, u hetym hodzie budzie 27. Ja hulała pakazalny matč ź Miraj Andrejevaj — ja starejšaja za jaje na dzieviać hadoŭ. Na dzieviać!» — skazała jana ŭ Mielburnie, dzie biare ŭdzieł u Adkrytym čempijanacie Aŭstralii pa tenisie.
«Jak prafiesijnaja spartsmienka, ja padychodžu da zaviaršeńnia karjery. Vy možacie ŭ heta pavieryć? Ludzi vychodziać na piensiju ŭ 30 hadoŭ. Ja nie viedaju, heta składanaje pytańnie. Ja spadziajusia, što ŭ mianie budzie siamja», — dadała jana.
Sabalenka zajaviła, što lubić dziaciej, ale nie choča zavodzić pieršaje dzicia ŭ 35 hadoŭ.
«Vielmi chaču zavieści dzicia, a potym viarnucca. Ja chaču, kab majo dzicia bačyła, jak ciažka davodzicca pracavać u žyćci, kab čahości dasiahnuć. Tak što tak, ja nie viedaju. Heta vielmi surjozna», — raspaviała pieršaja rakietka śvietu.
Aryna Sabalenka zaraz biare ŭdzieł u Adkrytym čempijanacie Aŭstralii pa tenisie (Australian Open), jaki vyjhravała dva razy zapar.
Siońnia biełaruska prajšła ŭ treci raŭnd, abyhraŭšy ispanku Chiesiku Buzas Maniejra — 6:3, 7:5.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Žadańnie vykreślić ź infapola ŭsich chto nie adpaviadaje vašym vysokim maralnym standartam - heta infantylizm. Viadoma, što ŭsie my viedajem užo chto jana takaja, nu dyk i što?