Na palach u Biełarusi ŭžo pračynajucca azimyja žyta i trycikale, paviedamiŭ u efiry kanała STB staršynia kamiteta pa sielskaj haspadarcy i charčavańni Minabłvykankama Siarhiej Prymačenka. Pavodle jaho słoŭ, siońnia azimyja kultury znachodziacca ŭ stanie pamiž pieryjadami spakoju i rostu, i dla ich taki stan kiepski.
«Nielha skazać, što azimyja kultury znachodziacca ciapier u idealnym stanie, i jany spakojna pierazimoŭvajuć. Tamu što ŭ paŭdniovych rehijonach my ŭžo bačym pračynańnie azimaha žyta, užo kareńčyki (źjavilisia) — heta havoryć pra toje, što raśliny pačali viehietavać. Heta tyčycca ŭ niekatorych miescach pa paŭdniovym rehijonie i trycikale. Na žal, heta nie jość dobra, i patrabuje raschodu cukraŭ. Raśliny dychajuć i patrabujuć da siabie ŭvahi», — skazaŭ čynoŭnik.
Siarhiej Prymačenka dadaŭ, što, uličvajučy ciapierašni paŭsonny stan raślin, chutka dla ich treba budzie ŭnosić uhnajeńni. Adnak kali pryjduć zamarazki, jakija prahnazujuć u krainie na najbližejšyja tydni, padkormka moža pryvieści da hibieli kultur.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim6
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3131
Kamientary