Ci ŭdasca aščadzić, kali lacieć u Jehipiet z abłasnych centraŭ?
Jehipiet tradycyjna zastajecca najbolš papularnym (i biudžetnym) varyjantam dla biełarusaŭ adpačyć uzimku na mory. Paśla Novaha hoda lotać čartaram na kurorty Šarm-el-Šejcha možna budzie nie tolki ź Minska, ale i z Homiela i Viciebska. Ci ŭdasca vyjhrać hrošy, kali karystacca nie staličnym aeraportam?
Pahladzieli prapanovy adnoj biełaruskaj turfirmy i paraŭnali ceny na adpačynak (10 načej dla dvuch darosłych) u adnym z tannych hatelaŭ pry ŭmovie vyletu z troch roznych haradoŭ. Čatyrochzorkavy Sharming Inn znachodzicca na druhoj bierahavoj linii, ale maje pryvatny plaž. Pracuje hatel, jak lubiać turysty lanivaha adpačynku, pa sistemie «ŭsio ŭklučana».
Pieršy čartarny rejs z Homiela ŭ Jehipiet adbudziecca 23 studzienia. Kali nabyć zaraz pucioŭku na hetyja daty, to pryjdziecca zapłacić 1715 dalaraŭ.
Ź Viciebska pieršy čartar palacić u Šarm-el-Šejch 7 lutaha. U hetym vypadku adpačynak na mory budzie kaštavać 1640 dalaraŭ.
Kali ž vylatać z Nacyjanalnaha aeraporta «Minsk» 7 lutaha, to treba budzie vydatkavać ź siamiejnaha biudžetu ŭsiaho 1527 dalaraŭ. Atrymlivajecca, što pačynać padarožža ŭ stalicy na 113 dalaraŭ tańniej, čym u Viciebsku, i na 188 dalaraŭ tańniej, čym u Homieli.
Tak što kali vy dumali sekanomić, płanujučy vylet z adnaho z abłasnych centraŭ, to ŭ nas dla vas kiepskija naviny. Niechta moža padumać, što jość sens jechać ź Viciebska abo Homiela ŭ Minsk. Kvitki na ciahnik ź Viciebska ŭ Minsk i nazad dla dvuch darosłych buduć kaštavać kala 63 rubloŭ (prykładna 20 dalaraŭ), a z Homiela — 57 rubloŭ (kala 18 dalaraŭ).
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś3
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary