Stryžak raskazaŭ, što viadoma pra ŭzmocnienyja pravierki na vyjeździe ź Biełarusi
Dniom 5 lutaha kiraŭnik fondu Bysol Andrej Stryžak paviedamiŭ pra ŭzmacnieńnie pravierak i kantrolu biełarusaŭ, jakija pierasiakajuć miažu na vyjezd z krainy. Vydańnie «Lusterka» parazmaŭlała ź im i daviedałasia padrabiaznaści pra hetuju situacyju.
Andrej Stryžak havoryć, što paviedamleńni pra ŭzmacnieńnie kantrolu na miažy ad biełarusaŭ stali prychodzić na hetym tydni. Pavodle jaho słoŭ, asnoŭnaje «novaŭviadzieńnie» — pravierki zaraz prachodziać i na vyjeździe z krainy. Siłaviki cikaviacca telefonami, hladziać noŭtbuki. Vierahodna, heta moža tyčycca i inšaj padobnaj techniki, jakuju viazie z saboj čałaviek, jaki pierasiakaje miažu.
«Na što varta źviarnuć uvahu — heta stan telefona. Hladzicie, jakija tam padpiski, zachavanyja fatahrafii, nakolki jon sinchranizavany z «vobłakam», — adznačaje Stryžak. — Maja nastojlivaja rekamiendacyja — pierasiakać miažu ź jakimi-niebudź niejtralnymi devajsami, z telefonami, na jakich naohuł ničoha takoha niama. Tamu što ŭ siłavikoŭ jość dastatkova dobry instrumientar, kab padklučycca da vobłačnych schoviščaŭ i adnaŭlać niejkija vydalenyja fajły, danyja. Heta vielmi niebiaśpiečna».
Jon dadaje, što padčas hutarki mohuć zadavać dadatkovyja pytańni.
«Naprykład, mohuć raspytvać, jakaja ŭ vas viza, jak atrymlivali i chto dapamahaŭ. Na vyjezd raniej takoha nie fiksavałasia. Bolš źviestak na hetuju temu pakul niama», — kaža jon.
Stryžak adznačaje, što ŭ cełym praktyka — takaja ž, jakaja ŭžo daŭno ŭžyvajecca na ŭjeździe ŭ krainu. Adnak u Bysol pakul niama poŭnaj karciny pra toje, kaho mienavita vyklikajuć na pravierki. Surazmoŭca miarkuje, što siłaviki mohuć adpracoŭvać «tyja ž metavyja hrupy, što cikavili ich i na ŭjezd».
U takim vypadku pahłyblenym pravierkam i «hutarkam» mohuć padviarhacca biełarusy, jakija ŭ 2020-m udzielničali ŭ pratestach i pryciahvalisia pa «palityčnych» spravach, mohuć znachodzicca ŭ bazie «Biesparadki», a taksama tyja, u kaho prachodziŭ pieratrus abo tak zvany ahlad.
Pilnaja ŭvaha taksama da ŭkraincaŭ, jakija žyvuć u Biełarusi, i ich svajakoŭ.
Jašče adna katehoryja, jakaja adnosna niadaŭna stała cikavić supracoŭnikaŭ KDB, jakija dziažurać na miažy — biełarusy, jakija daŭno nie byli ŭ krainie i vyrašyli źjeździć dadomu. Pierad navahodnimi śviatami i vychadnymi na miažy nietypovyja pytańni zadavali i studentam, jakija vučacca za miažoj.
Andrej Stryžak papiaredziŭ pra pahłyblenyja pravierki dla tych, chto vyjazdžaje z krainy
«Bajsoł» zapuskaje haračuju liniju z pryčyny ŭzłomu bota Biełaruskaha Hajuna
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Spasyłku na bot «Hajuna» siłaviki znajšli na telefonie zatrymanaj aktyvistki, jakaja praciahły čas chavałasia ŭ Biełarusi
Bot Biełaruskaha Hajuna byŭ uzłamany. Chto tudy pisaŭ — pad pahrozaj
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača29
Kamientary