«Mianie zakazaŭ prarektar». Vykładčyca BDU raskazała, jak jaje kinuli na Akreścina, kab prymusić zvolnicca
U novym vypusku TOKu viadomaja jurystka, kolišniaja zahadčyca kafiedry mižnarodnaha prava fakulteta mižnarodnych adnosin BDU Kaciaryna Dziajkała raskazała, jak jaje zvalniali z univiersiteta.
Kaciaryna Dziajkała zhadvaje, što ŭ 2020 hodzie joj dali zrazumieć, što nie buduć praciahvać kantrakt u BDU. Ale pakolki jaje pasada zajmajecca pa vynikach konkursu, jana padała nieabchodnyja dla hetaj pracedury dakumienty.
«Ja razumieła, što kali jany zaraz mnie nie praciahnuć konkurs, ja budu skandalić», — zaŭvažaje Dziajkała.
Ale na jaje znajšli sposab uździejničać.
«Dla kahości było dastatkova razmovy. (…) Dla kahości ŭvohule nie treba razmoŭ, prosta namiok. Ale dla mianie, vidać, stała niedastatkova, i da mianie pryjšli ź pieratrusam u adzin cudoŭny dzień. Pa zamovie prarektara BDU pa biaśpiecy».
Dziajkała zhadvaje, što čuła razmovy tych ludziej, što pravodzili pieratrus:
«Ja čuju, što jany havorać: «Pazvani zakazčyku». Ja kažu: «Cikava, chto mianie zakazaŭ?» Jany havorać: «Padumajcie, dzie vy pracujecie».
Paśla pieratrusu Kaciarynu zatrymali, i jana try dni praviała na Akreścina. «Tam ja pryniała rašeńnie sychodzić. Ja sama zrazumieła, što ja bolš nie mahu pracavać u BDU, jaki voś tak robić», — kaža Dziajkała.
Ale paśla vyzvaleńnia jaje vyklikali na razmovu:
«Namieśnik dekana, jaki sa mnoju razmaŭlaŭ, nie zmoh niejkim čynam sam spravicca z hetym. Tamu paklikaŭ Alenu Anatoleŭnu Dastanka, jakaja ciapier dekan. Vielmi pa-čałaviečy, z čałaviečaj spahadaj [razmaŭlali].
I jany pačynajuć tabie: «Voś, razumieješ, takaja situacyja… Tak, viadoma, u nas niama tankaŭ, kab ich pieramahčy, ale što ž rabić, bo heta dla tvajoj ža biaśpieki. (…) Davajcie vam dapamožam, moža być, uładkavacca kudyści na pracu, u inšuju VNU. (…) Vy ž viedajecie, na što zdolnyja hetyja ludzi», —
pryhadvaje Dziajkała niekatoryja abstaviny razmovy, i dadaje, što taki styl stvaraŭ uražańnie taho, što surazmoŭcy supieražyvajuć, «prosta jany nie mohuć».
«I heta žachliva, heta narmalizuje. I jak by atrymlivajecca, što niajomka ŭžo i skazać, što jany ciabie represavali. Ty što, voś hetaja dušeŭnaja razmova z Alenaj Anatoleŭnaj, heta što, represija? Nie ž. Ach ty niaŭdziačnaja», — davodzić Dziajkała.
Hladzicie całkam:
«Kali ŭnučka Łukašenki pastupiła na fakultet, usie dumali: Hospadzi, choć by nie da mianie na śpiecyjalnaść»
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku
Na fakultecie mižnarodnych adnosin BDU novy dekan — Alena Dastanka
Jak BDU kašmaryć jaho ž vypusknik
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary
Zaraz jany nibyta achviary režymu i vučać nas žyćciu! Heta hańba i haroćcie Biełarusi mieć takich "pryncypovych prafiesijanałaŭ".