U studzieni 2025 hoda pryniaŭ rašeńnie zakryć svoj biznes u Jeŭrasajuzie viadomy biełaruski kaśmietyčny chołdynh «Bielita-Viteks», vyśvietliŭ Plan V. Pryčyny rašeńnia nieviadomyja.
Dziesiać hadoŭ — u topku historyi
U zasnavalnika biełaruskaj kaśmietyčnaj haliny, jaki vyrablaje sotni najmieńniaŭ kremaŭ, šampuniaŭ, hielaŭ i inšaje, z 2013 hoda isnavaŭ całkam lehalny kanał pastavak na rynak Jeŭrasajuza — zarehistravanaja ŭ Łatvii dystrybjutarskaja kampanija Euro B&V.
«Bielita-Viteks» pieršapačatkova stvarałasia z udziełam italjanskich inviestaraŭ, kab zadavalniać patreby ŭ jakasnaj kaśmietycy žycharoŭ Biełarusi i astatniaj postsavieckaj prastory. Adnak paśla taho, jak hety rynak byŭ u asnoŭnym asvojeny, jaje ŭładalniki ryzyknuli pasprabavać svaje siły i ŭ Jeŭropie.
Łatvija stała bazavaj krainaj. Na aficyjnym sajcie vytvorcy da hetaha času značacca zvyš dziasiatka kram Euro B&V u Ryzie, Jurmale i Jełhavie. Handlovyja punkty taksama jość u Rumynii i Čechii.
Kaśmietyku biełaruskich brendaŭ «Bielita» i «Viteks» možna było kupić pa inšych kanałach u Polščy i inšych krainach Jeŭrasajuza.
Nakolki paśpiachovy byŭ jeŭrasajuzaŭski biznes «Bielity-Viteks»?
Jeŭrasajuzaŭski biznes «Bielity» davoli paśpiachovy, kali ŭličyć što adzin z samych kankurentnych rynkaŭ śvietu daŭno padzialili transnacyjanalnyja karparacyi nakštałt Unilever, Henkel i t.p. Naprykład, navat u «kavidny» 2020-y hod, pavodle spravazdačy, Euro B&V nahandlavała na 1,5 młn jeŭra i była prybytkovaj.
U nastupnyja dva hady prodažy prasieli da kala miljona jeŭra i biznes pajšoŭ u straty. Ale ŭžo ŭ 2023 hodzie situacyja vypraviłasia. Pry vyručcy prykładna miljon jeŭra Euro B&V iznoŭ vyjšła na prybytkovaść. Dla paraŭnańnia: abjom prodažaŭ rasijskaj dački «Bielita-Viteks-S» u hetym ža hodzie byŭ bolšy ŭ try razy.
Źviestak pa 2024 hodzie jašče niama. Mahčyma, zychodziačy ź ich, možna było b zrazumieć, što prymusiła ŭładalnikaŭ «Bielita-Viteks» sabracca i pryniać rašeńnie ab likvidacyi biznesu ŭ Jeŭropie.
Ciapier čytajuć
Łukašenka patłumačyŭ, čamu jaho nie vidać pa sieradach i subotach2
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary