Apošniaje miesca pracy danosčycy Bondaravaj — kruhłasutačnaja saŭna. Ale pasada nieviadomaja
Danosčyca Volha Bondarava, jakaja vajuje ź biełaruskaj movaj, łacinkaj, vasilkami i preziervatyvami na kasach, pasprabavała siabie ŭ niekalkich roznych karjerach. Pra pracaŭładkavańnie prarasijskaj aktyvistki daviedałasia «Zierkało».
Volzie Bondaravaj 42 hady. Žančyna kazała, što zamužam i maje dačku. Prapahandystka atrymała siaredniuju adukacyju pa śpiecyjalnaści «ekanamist». U 2022 hodzie jana pastupiła ŭ piedahahičny ŭniviersitet — na śpiecyjalnaść «Biełaruskaja mova i litaratura».
Ad «Kibierpartyzanaŭ» žurnalisty daviedalisia, što apošniaje ź viadomych miescaŭ pracy danosčycy — saŭna «Vientaniera» u Minsku. Tam Bondarava prapracavała jak minimum piać miesiacaŭ u 2024 hodzie. Ale jakuju pasadu zajmała, nieviadoma.
Pierad tym žančyna kala hoda była ŭładkavana ŭ haziecie «Kamunist Biełarusi. My i čas». Tam prarasijskaja aktyvistka ličyłasia adkaznym sakratarom i pieryjadyčna pisała artykuły.
U lipieni 2024 adnosiny z hazietaj u Bondaravaj razładzilisia: jaje imia źnikła z apisańnia pasady adkaznaha sakratara, a ŭ telehram-kanale aktyvistki vyjšaŭ dopis z krytykaj vydańnia. U im Bondarava aburałasia napisańniu słova «biełaruskije» z adnoj «s» i praz «a».
U karjery Bondaravaj jość šmat prabiełaŭ. Z sakavika 2020 pa lipień 2023 jana nidzie nie była ŭładkavana.
Pierad tym prapahandystka pracavała «ŭ śfiery handlu», pisała jana sama. Zhodna ź infarmacyjaj u rejestrach, z 2017 pa 2020 hod jana paśpieła pasupracoŭničać z:
- TAA «Kampanija Atłantyk». Pavodle rehistracyjnych danych, heta jurydyčnaja asoba zajmajecca prodažam prysmakaŭ.
- TAA «Eksodas». Pradpryjemstva z Hrodna, jakoje zajmałasia roźničnym handlem adzieńniem, ciapier jano likvidavanaje. U pracoŭnych zapisach ukazana pasada Volhi — pradaviec.
- Klininhavaja kampanija «Čysty śviet Plus».
- Hrodzienski restaran chutkaha charčavańnia «Šef Kok».
- Indyvidualnaja pradprymalnica, jakaja zajmajecca roźničnym handlem na rynkach.
Ni ŭ adnym z hetych miescaŭ Volha nie pracavała daŭžej za niekalki miesiacaŭ. Samaj praciahłaj stała praca ŭ «Šef Kok» — tam aktyvistka trymałasia trochi daŭžej za čatyry miesiacy.
Bondarava pryraŭniała Piatra Piatroŭskaha da «aŭtara «Majn Kampfa»
Błohier, na jakoha pisała danosy Volha Bondarava, apublikavaŭ sumiesny zdymak z Kolem Łukašenkam
Čamu Karpienka nie moža pasadzić Bondaravu? Razvažaje Volha Łojka
«Dzie jany pracujuć?» Kamunist Syrankoŭ budzie skardzicca ŭ prakuraturu i padatkovuju na Bondaravu i kampaniju
Bondaravu zaviarnuli ź pierajmienavańniem vulicy Kalinoŭskaha ŭ Minsku
Kamientary