Kazachstan dazvoliŭ pieravozčykam z krain JEAES pieravozić hruzy ź pieračepkaj da kanca hoda
Kazachstan dazvoliŭ pieravozčykam z krain JEAES ujazdžać na svaju terytoryju z tavarami z trecich krain paśla ich pierahruzki abo pieračepki, vynikaje z Etałonnaha kantrolnaha banku narmatyŭnych pravavych aktaŭ krainy.
Pry hetym u kiroŭcy pavinien być dazvoł, jaki vydajecca pieršamu pieravozčyku na dastaŭku hruzaŭ u Kazachstan. Kali jaho niama, daviadziecca zapłacić štraf.
Vyklučeńni buduć dziejničać da kanca hoda.
1 studzienia kraina adnaviła abmiežavańni pry vykanańni pieravozak pa terytoryi krainy ź pierahruzkaj abo pieračepkaj. Tak adbyłosia, tamu što 31 śniežnia skončyŭsia termin dziejańnia vyklučeńniaŭ dla krain JEAES, jakoje dziejničała z 2022 hoda.
Zakanadaŭstva Kazachstana zabaraniaje pierahruzku tavaraŭ, adpraŭlenych ź jakoj-niebudź inšaj krainy ŭ Kazachstan, na terytoryi trecich krain.
Prablema ŭźnikła ŭ 2022 hodzie paśla ŭviadzieńnia Jeŭrasajuzam abmiežavańniaŭ na ŭjezd biełaruskich i rasijskich pieravozčykaŭ. U Biełarusi tady ŭviali padobnuju zabaronu dla jeŭrapiejskich hruzavikoŭ. Jeŭrapiejskim pieravozčykam dazvolena było ruchacca ŭ Biełaruś tolki da punkta pierahruzki i pieračepki, dzie hruzy zabirajucca biełaruskimi kampanijami.
Takaja schiema, adnak, nie adpaviadaje praviłam pieravozak, pryniatym u Kazachstanie, tamu biełaruskim dalnabojščykam pahražali štrafy i zatrymańni mašyn. U vyniku situacyja była ŭrehulavana: u Kazachstanie prypynili dla partnioraŭ pa JEAES dziejańnie punktaŭ praviłaŭ, jakija abmiažoŭvali pieravozki pa schiemie pieračepki i pierahruzki.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary