Pradstaŭnica pa sacyjalnaj palitycy Abjadnanaha pierachodnaha kabinieta Biełarusi Volha Zazulinskaja źviarnułasia da mižnarodnych partnioraŭ, pravaabaroncaŭ, ŚMI i nieabyjakavych biełarusaŭ i biełarusak, raskazaŭšy pra krytyčny stan, u jakim znachodziacca niekalki žančyn, asudžanych režymam Łukašenki pa palityčnych artykułach.
Pavodle źviestak Zazulinskaj, asabliva ciažkaja situacyja sa zdaroŭjem za kratami ŭ Volhi Majoravaj i Viktoryi Kulšy, Aleny Hnauk.
58-hadovaja Volha Majorava, asudžanaja na 20 hadoŭ kałonii, ryzykuje całkam stracić zrok. U jaje katarakta, rubcy, pahroza poŭnaj ślepaty. Jana źviartałasia pa dapamohu, ale miedycynskaja častka kałonii admoviła ŭ lačeńni. Bolš za toje, z-za statusu «terarystki» joj nie pieradajuć leki i miedycynskija banderoli ad rodnych.
43-hadovaja Viktoryja Kulša ŭžo trojčy asudžanaja pa artykule 411 («złosnaje niepadparadkavańnie»), što na praktycy aznačaje biaskoncyja terminy. Jana pieražyła dźvie sproby suicydu, try haładoŭki, u jaje ciažkija prablemy z nyrkami. U 2024 hodzie jana trymała suchuju haładoŭku. Na minułym tydni da jaje vyklikali reanimacyju, bo jana ŭžo nie moža stać na nohi. Kali nyrki kančatkova admoviać, biez dyjalizu jana nie vyžyvie.
67-hadovaja Alena Hnauk, asudžanaja na 4 z pałovaj hady źniavoleńnia, admoviłasia pisać prašeńnie ab pamiłavańni, i za heta jaje sistematyčna źniščajuć. Sa studzienia 2025 hoda — 20 sutak u ŠIZA i ŭžo paŭhoda ŭ PKT. U jaje ciažkija kryvacioki, źviazanyja z prablemami sa straŭnikam, a ŭ 2024 hodzie jana tydzień nie mahła navat ustać u miedycynskaj častcy kałonii.
Usie źviestki pra hetych žančyn stali viadomyja dziakujučy palitviaźniam, jakija ciapier na voli.
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam5
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
Kamientary