Nobieleŭskija łaŭreaty zaklikali Trampa i suśvietnych lidaraŭ damahčysia vyzvaleńnia ŭsich palitviaźniaŭ u Biełarusi
Zaklik vyzvalić źniavolenych i spynić represii adrasavany i ŭładam Biełarusi.
Hrupa łaŭreataŭ Nobeleŭskaj premii źviarnułasia da prezidenta ZŠA Donalda Trampa i inšych suśvietnych lidaraŭ z zaklikam nieadkładna zabiaśpiečyć vyzvaleńnie ŭsich palityčnych źniavolenych u Biełarusi,paviedamlaje Hołas Amieryki.
Adznačajecca, što siarod źniavolenych ciažka chvoryja i pažyłyja ludzi, a ŭmovy ich utrymańnia možna nazvać niečałaviečymi. Niekalki palitviaźniaŭ užo zahinuli ŭ turmie.
Zaklik vyzvalić źniavolenych i spynić represii adrasavany i ŭładam Biełarusi.
Da Trampa i lidaraŭ ES źviernuty zaklik pryniać terminovyja i rašučyja miery dla vyzvaleńnia viaźniaŭ, a da hramadskich dziejačaŭ i ŭsich «ludziej sumleńnia» — padtrymać kampaniju za ich vyzvaleńnie.
List padpisali ŭ pryvatnaści łaŭreaty Nobieleŭskaj premii miru Alaksandra Maćvijčuk i Dźmitryj Murataŭ, premii pa litaratury Śviatłana Aleksijevič i Hierta Miuler, łaŭreaty premij pa fizicy, chimii, miedycynie i ekanomicy — usiaho 30 čałaviek.
Pa stanie na 18 lutaha, u Biełarusi 1218 palitviaźniaŭ.
Kamientary