Ci viedajecie vy, u jakich kramach možna vybrać biełaruskuju movu na kasie samaabsłuhoŭvańnia?
Błohierka Ksienija Ivanoŭskaja padzialiłasia ŭ TikTok faktam, pra jaki mała chto viedaje: akazałasia, što na kasach samaabsłuhoŭvańnia niekatorych handlovych sietak možna vybirać biełaruskuju movu. Rolik sabraŭ dziasiatki kamientaryjaŭ, dzie biełarusy ŭ tym liku dzielacca nazvami kram z takoj funkcyjaj, zaŭvažyŭ Citydog.
Videa pad nazvaj «Jak prymusić biełarusa ŭśmichacca» sabrała bolš za 40 000 prahladaŭ. Na im dziaŭčyna zdymaje kasu sietki «Karona» i kaža, što, vybirajučy rodnuju movu, rabić kupli značna pryjemniej.
Paśla apłaty z dynamika navat hučyć «dziakuj»: «Kali ja ŭpieršyniu pačuła ad kasy biełaruskuju movu, tak uśmichałasia», — piša aŭtarka rolika.
U kamientaryjach biełarusy ździŭlajucca, čamu nazva tavaru navat paśla vybaru biełaruskaj movy ŭsio roŭna zastajecca napisanaj pa-rusku, i zadajucca pytańniem: «A ŭ čym tady sens?» A jašče dzielacca tym, što takaja funkcyja, na žal, jość daloka nie va ŭsich kramach.
«Tak, škada, što tak nie va ŭsich kramach, i časam biełaruski funkcyjanał niapoŭny. A jašče niepryjemna, što mova pa zmaŭčańni ruskaja — biełaruskuju treba samastojna vybirać», — piša karystalnica pad nikam Pani Nastaśsia.
A niekatoryja naohuł adznačajuć, što paśla takoha vybaru ŭ kramach mova ŭsio roŭna źmianiajecca nazad:
«Pracaŭniki kramy paśla mianie zaŭsiody źmianiali na ruskuju», — dzielicca kihrill_guru.
«U «Jeŭraoptach» i «Chitach», na žal, niama, a ŭ «Susiedziach» adzin raz padyšli da mianie i spytali, navošta ja źmianiŭ movu. Skazali, što nie treba tak rabić, i źmianili nazad», — piša observr.
Darečy, jość i dobryja naviny: kamientatary dzielacca nazvami inšych sietak, dzie taksama možna vybrać biełaruskuju movu na kasie. U hety śpis uvajšli «Hipa», «Hryn» i «Susiedzi».
Ciapier čytajuć
U bazie siłavikoŭ «BIESparadki» bolš za 100 tysiač čałaviek20
U bazie siłavikoŭ «BIESparadki» bolš za 100 tysiač čałaviek
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary