Śviet22

U ZŠA zajavili, što pakul nie ŭzhadnili ździełku z Ukrainaj pa pryrodnych resursach. A Zialenski zadavoleny

Dziaržaŭny sakratar ZŠA Marka Rubia zajaviŭ u intervju Fox News, što ŭłady ZŠA pakul nie ŭchvalili pahadnieńnie z Ukrainaj ab pryrodnych resursach.

Uładzimir Zialenski. Fota: Pier Marco Tacca / Getty Images

«Ja nie mahu paćvierdzić heta. Vidavočna, nad hetym pracuje naš ministr finansaŭ [Skot] Biesient. Jon zrabiŭ vialikuju pracu nad pahadnieńniem. Tak što, pavodle maich apošnich źviestak, sprava nabližajecca da finišnaj pramoj», — skazaŭ dziaržsakratar ZŠA.

Praz toje, što pahadnieńnie nie ŭzhodnienaje, u Biełym domie nibyta sumniavajucca ŭ tym, što prezidentu Ukrainy Uładzimiru Zialenskamu nieabchodna pryjazdžać u Vašynhton na sustreču z prezidentam ZŠA Donaldam Trampam, paviedamiła ahienctva Reuters, spasyłajučysia na nienazvanaha supracoŭnika administracyi Trampa.

Miž tym prezident Ukrainy Uładzimir Zialenski paćvierdziŭ, što raspracavany kančatkovy varyjant pahadnieńnia z ZŠA, jaki tyčycca redkaziamielnych mietałaŭ i inšych resursaŭ ukrainskich nietraŭ. Pavodle jaho słoŭ, u im adlustravany ŭsie tyja punkty, jakich nie było ŭ papiarednim dakumiencie i na jakich jon nastojvaŭ.

«Hałoŭnyja pytańni, jakija ja ŭzdymaŭ, jany adlustravanyja tam vielmi niadrenna. Hałoŭnaje dla mianie było, kab my nie byli daŭžnikami. I što b tam ni hučała ŭ miedyja, u pahadnieńni niama ni 500 miljardaŭ [dalaraŭ] doŭhu, ni 350, ni 100. Heta było b niespraviadliva ŭ dačynieńni da nas», — zajaviŭ Zialenski žurnalistam.

Što tyčycca kankretnych hrošaj, to «pra heta rana kazać, bo heta ramačnaje pahadnieńnie». Maŭlaŭ, budzie raspracavanaja jašče adna damova, jakaja budzie tyčycca mienavita pracy stvoranaha fondu z detalami adnosna partniorskich adnosin i raźmierkavańnia hrošaj.

Pry hetym Zialenski skazaŭ, što jašče nie bačyŭ sam dakumient i siońnia budzie jaho vyvučać. U toj ža čas jamu viadoma, što ŭ novym varyjancie pahadnieńnia źjaviłasia zhadka i pra harantyi biaśpieki Ukrainy.

«Ja vielmi chacieŭ, kab navat u ramačnym pahadnieńni źjaviłasia choć prapanova ab harantyjach biaśpieki Ukrainy. I jak mianie prainfarmavali va ŭradzie, heta źjaviłasia», — dadaŭ ukrainski prezident.

Tekst ramačnaha pahadnieńnia siońnia apublikavała «Ukrainskaja praŭda». Pra biaśpieku Ukrainy tam zhadki sapraŭdy jość, ale tolki ahulnymi słovami, biez kankretyki.

Kamientary2

  • Stary
    26.02.2025
    Narmalna tak sabie parašali: amierykanskaja dapamoha zastajecca ŭkrainskaj karupcyi, ukrainskija vykapni adchodziać amierykanskaj karupcyi i 20% terytoryi Ukrainy addajuć rasiejskaj karupcyi.
  • Umka pieršy
    26.02.2025
    Stary, a 100% biełaruskaj karupcyi zastajecca siamiejcy.

Ciapier čytajuć

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Usie naviny →
Usie naviny

Jak za hod źmianilisia ceny na nieruchomaść u bujnych haradach. Stalica nie ŭ lidarach rostu

Miełoni i Makron pasvarylisia nakont Ukrainy. Mierc starajecca ich pamiryć5

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar2

bolš čytanych navin
bolš łajkanych navin

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić