Były premjer Vialikabrytanii łabiruje ździełku Trampa z Ukrainaj pa zdabyčy karysnych vykapniaŭ, napisała Politico.
«Tak, z adnaho boku heta rabaŭnickaje pahadnieńnie, ale takim ža byŭ i łend-liz 1941 hoda, ci nie tak?»,
— zajaviŭ Džonsan 24 lutaha padčas admysłovaj sustrečy ŭ Kijevie, arhanizavanaj Fondam Viktara Pinčuka.
Džonsan byŭ premjeram Vialikabrytanii ŭ čas, kali Rasija pačała poŭnamaštabnaje ŭvarvańnie va Ukrainu. Palityk, viadomy svajoj padtrymkaj Ukrainy, skazaŭ, što druhaja viersija ździełki bolš vyhodnaja dla krainy, čym pieršaja.
Pa jaho mierkavańni, padpisańnie ździełki — adziny sposab ruchacca napierad.
«Ja razumieju, nakolki tryvožna dumać, što hetaja ździełka moža apynucca drapiežnickaj dla vašaj krainy. Ale ja sapraŭdy liču, što nam treba prajści praz hety etap, uśviadomić, što nasamreč ujaŭlaje saboj hetaja ździełka», — dadaŭ jon.
U dakumiencie jość pazityŭnyja momanty dla Ukrainy, ličyć Džonsan.
24 lutaha vice-premjer Ukrainy Volha Stefanišyna paviedamiła, što ŭkrainskaja i amierykanskaja kamandy znachodziacca na finalnym etapie pieramovaŭ pa pahadnieńni ab ukrainskich karysnych vykapniaŭ.
Zialenski na pres-kanfierencyi 23 lutaha zajaviŭ, što ŭ pahadnieńnie ab vykarystańni ŭkrainskich pryrodnych resursaŭ z amierykanskim bokam pavinny być uklučanyja dakładnyja harantyi biaśpieki ad ZŠA.
Novaja redakcyja pahadnieńnia Ukrainy z ZŠA ab karysnych vykapniach moža być jašče kabalniejšaj za papiaredniuju
Tramp zajaviŭ pra zryŭ pahadnieńnia z Ukrainaj pa redkaziamielnych mietałach
Jak Ukrainu šantažavali ŭ Miunchienie i čamu sarvałasia ździełka z ZŠA
Daradca Trampa źviazaŭ jaho rezkija zajavy ab Ukrainie z zatrymkaj «pahadnieńnia pa karysnych vykapniach»
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary