Eks-kandydat u prezidenty, były kiraŭnik hramadskaha abjadnańnia «Havary praŭdu» Andrej Dźmitryjeŭ aktyvizavaŭ svoj jutub-kanał, dzie raźmiaściŭ čatyry videa.
Na kanale Andrej Dźmitryjeŭ razvažaje:
«Baču Biełaruś krainaj dla kožnaha, dzie pavažajuć hramadzian, biez dyktataraŭ, ideołahaŭ i aliharchaŭ, z mocnym samakiravańniem, samastojnaj ekanomikaj i roŭnaściu ŭsich pierad zakonam. Liču, što dziaržava pavinna padtrymlivać svaich hramadzian».
Andrej Dźmitryjeŭ prapanuje stratehiju małych spraŭ — pastupovych źmien praz aktyŭny ŭdzieł ludziej u žyćci svaich supolnaściej. Jon davodzić, što navat nievialikija inicyjatyvy — ustanoŭka pandusa, sumiesnyja mierapryjemstvy z susiedziami, dobraŭparadkavańnie dvara — u sukupnaści mianiajuć śviet.
«Kali hladziš na ŭsio, što adbyvajecca siońnia vakoł, uvohule naturalnym źjaŭlajecca žadańnie prosta zapluščyć vočy i ničoha hetaha nie bačyć. Skazać sabie: nu, ja nijak na heta paŭpłyvać nie mahu, na rašeńni vialikich ludziej, suśvietnych lidaraŭ», — zaŭvažaje palityk.
«Stratehija małych spraŭ, jana jakraz pra toje, kab padzialić toje, na što my nie ŭpłyvajem, i toje, na što my pavinny ŭpłyvać, tamu što heta naša žyćcio», — ličyć palityk.
Dźmitryjeŭ padzialiŭsia, što jamu dapamahło prajści praz składanyja časy, — treba ŭmieć zaŭvažać dobraje.
«Vielmi prosta siońnia z usimi ŚMI, z usimi navinami być u biaskoncaj depresii. I ad taho, što adbyvajecca, i ad taho, što na heta niezrazumieła, jak upłyvać. (…) Adkazam na heta pavinna być nie ŭnutranaja emihracyja, (…) a śviadomaja kancentracyja na tym, a što dobraha jość u žyćci, i što ja mahu siońnia rabić, kab hetaha dobraha rabiłasia bolš».
«Treba pačać dzialicca Biełaruśsiu, jakaja vam padabajecca, i cikavicca joju. Heta prostyja rečy, jakija možna rabić u svaich sacsietkach. Možna pacikavicca, jak nazyvałasia vulica, na jakoj vy siońnia žyviacie, raniej. Možna zapytać u svaich svajakoŭ pra historyju miaściny, adkul pajšli vašy babuli, dziaduli, ci niejkija cikavyja historyi, i padzialicca hetym znoŭ u sacsietkach. Abaviazkova vykładvać videa i fota z tych vandrovak, ekskursij pa Biełarusi, jakija jość. (…)
Važna nam dzialicca pamiž saboju Biełaruśsiu. I tady jaje budzie bolš», — ličyć Dźmitryjeŭ i vykazvaje ŭpeŭnienaść, što takim čynam «my budziem usio lepš i lepš adkazvać sabie na pytańnie, chto my takija biełarusy i što dla nas siońnia Biełaruś».
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary