Błohier pakazaŭ, jak pieravaryŭ samy hniły «Falksvahien Holf» u Biełarusi
Abjomy vykananych rabot uražvajuć, bo majstar faktyčna zvaryŭ mašynu nanova.
Pieršyja videa z «Falksvahien Holf», jaki amal całkam vyhniŭ, aŭtar apublikavaŭ u vieraśni 2024 hoda. Ramontnyja pracy praciahnulisia paŭhoda.
Na videa bačna, što ŭ mašyny nie zastałosia nivodnaha elemienta, jaki b nie byŭ mocna paškodžany karozijaj.
Parohi raniej «ramantavali» z dapamohaj mantažnaj pieny. U vyniku jany nastolki mocna prahnili, što paśla vydaleńnia paškodžanych elemientaŭ, parohaŭ i bolšaj častki dnišča ŭ mašynie nie zastałosia. Usia kanstrukcyja trymałasia tolki na dachu i centralnym tuneli.
U videa chłopiec raspaviadaŭ, što siarod inšaha jamu daviałosia kanstrujavać macavańnie dla kresła kiroŭcy, pakolki jano taksama prahniła.
Zadniaja levaja čverć vyhniła nastolki mocna, što majstar vyrašyŭ zamianić jaje na vyrazanuju ź inšaj mašyny.
U kamientarach pad videa ludzi nie tolki vykazvajuć zachapleńnie ad taho, što ŭ błohiera ruki rastuć z pravilnaha miesca, ale i zadajucca pytańniem metazhodnaści takoha ramontu.
Vidavočna, što z ekanamičnaha punktu hledžańnia taki ramont nie maje nijakaha sensu, bo prahniŭ hety Holf litaralna paŭsiul.
Sam błohier tłumačyć, što heta mašyna znajomaha, jaki paprasiŭ jaho padvaryć aŭto. A pakolki ŭsiu hłybiniu trahiedyi možna było ŭbačyć tolki razabraŭšy mašynu, majstar nibyta nie moh admovicca ad ramontu, choć i papiaredžvaŭ haspadara ab tym, što rabić hetuju mašynu sensu niama.
Tym nie mienš prynamsi dla stvareńnia kantentu taki «Holf» — heta akurat toje, što treba.
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary