«Što vy nabrachali — toje ŭsio zabuduć». Śvietłahorskaja rajonka vyrašyła prarekłamavać kamisiju pa viartańni ŭ vieršach
U haziecie Śvietłahorskaha rajvykankama źjaviŭsia amal što vieršavany zvarot da biełarusaŭ, jakija byli vymušanyja źjechać z krainy, zaŭvažyŭ «Fłahštok».
Vierš z paetyčnaj nazvaj «Rabota kamisii pa viartańni ŭciekačoŭ budzie praciahnuta» vyjšaŭ u haziecie «Śvietłahorskija naviny». Jaho aŭtaram paznačany Michaś Karaś — jon pieryjadyčna publikujecca ŭ rubrycy «Vostraje piaro».
U vieršy, nie zaŭsiody zachoŭvajučy pamier i ryfmu, aŭtar źviartajecca da biełarusaŭ, jakija byli vymušany źjechać z-za palityčnaha pieraśledu. Karaś sprabuje pierakanać čytačoŭ, što «doma budzie lepš», a «luboj prafiesii, zaniatku lubomu jość miesca tut».
Taksama aŭtar śćviardžaje, što «zakon daruje» i «termin daŭnaści ŭžo chutka sydzie», namiakajučy na toje, što pa skančeńni piaci hadoŭ pieraśled pa niekatorych artykułach, u tym liku za ŭdzieł u pratestach, chiba budzie spynieny.
Takoje rekłamavańnie kamisii pa viartańni źjaviłasia na fonie jaje nie samaj efiektyŭnaj pracy. Pavodle danych Hienprakuratury, za dva hady z sotniaŭ tysiač źjechaŭšych biełarusaŭ u jaje źviarnułasia ŭsiaho 241 čałaviek, ź ich tolki 20 viarnulisia ŭ Biełaruś. Pry hetym «indulhiencyja», atrymanaja ad kamisii, nie zaŭsiody vyratoŭvaje ad kryminalnaha pieraśledu.
Darečy, heta nie pieršy padobny vierš aŭtarstva Michasia Karasia ŭ śvietłahorskaj rajoncy. Naprykład, u adnoj z tvorčych pracaŭ pad nazvaj «Pra chłuśniu ad źbiehłych» jon vyśmiejvaŭ pieraśled biełarusaŭ za łajki i pieraposty:
«Voj-voj, za repost pasadzili».
A što ty, niaboha, chacieŭ.
Łuchty tabie ŭ vušy nalili —
I raptam ty aśmialeŭ».
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary
Lebiedieva užie niedielu nie otstajot, chodia za nim po piatam, ot biednoho Danilkieviča.