«Hatovy ŭstać pobač». Łukašenka «z aptymizmam hladzić» na antyvajennuju palityku Trampa
«I Tramp małajčyna, što jon časta kaža i niešta robić užo ŭ kirunku taho, kab spynić vajnu va Ukrainie», — skazaŭ Łukašenka.
Alaksandr Łukašenka z aptymizmam hladzić na antyvajennuju palityku ciapierašniaj administracyi Złučanych Štataŭ Amieryki. Pra heta jon zajaviŭ u intervju amierykanskamu błohieru Marya Naŭfału, piša BiełTA.
Intervjujer nahadaŭ, jak paśla teraktaŭ 11 vieraśnia 2001 hoda Uładzimir Pucin pieršym patelefanavaŭ svajmu amierykanskamu kalehu Džordžu Bušu-małodšamu. Marya Naŭfał pacikaviŭsia mierkavańniem Alaksandra Łukašenki, ci možna viarnucca da tych časoŭ, kali pamiž krainami isnavaŭ dastatkova dobry ŭzrovień adnosin.
«U palitycy, mabyć, tak nie byvaje, kab viarnucca da niečaha. Dy i nie treba ŭ ciapierašniaj situacyi. Nie treba nikudy viartacca. Treba praciahvać ruch. Kali my adyšli ŭ bok ad toj dobraj linii, pra jakuju vy skazali, treba viarnucca na hetuju liniju. Ale ŭ minułaje viartacca nie treba. Heta niemahčyma. U palitycy heta niemahčyma. Asabliva ciapier, kali čas mianiajecca vielmi chutka. Burny čas. Nie treba nikudy viartacca. Treba hladzieć napierad i ruchacca napierad», — skazaŭ Łukašenka.
Jon kanstatavaŭ vielmi chutkaje źmianieńnie situacyi ŭ adnosinach pamiž Uschodam i Zachadam, ZŠA i inšym śvietam, u tym liku pamiž ZŠA i Rasijaj.
«Nichto nie moh i vykazać zdahadku. Ale adzin čałaviek, jaki ryzyknuŭ heta zrabić, — Donald Tramp — vielmi chutka situacyju z hałavy na nohi pastaviŭ. Budziem spadziavacca», — zajaviŭ jon.
«Jašče raz chaču paŭtaryć: ja nie prychilnik niejkaha viartańnia da niečaha. Treba ruchacca napierad u adpaviednaści z toj situacyjaj, jakaja składvajecca», — dadaŭ Alaksandr Łukašenka.
Što datyčycca pierśpiektyŭ mirnaha ŭrehulavańnia, Alaksandr Łukašenka «adčuvaje vialiki aptymizm» u suviazi z palitykaj ciapierašniaj administracyi Złučanych Štataŭ Amieryki: «Jany małajcy. I Tramp małajčyna, što jon časta kaža i niešta robić užo ŭ kirunku taho, kab spynić vajnu va Ukrainie, spynić vajnu na Blizkim Uschodzie. Heta darahoha kaštuje ŭ źniešniaj palitycy. Mnie zdajecca, i inšaj palityki niama ŭ jaho, jak spynić vajnu. Bliskučaja ideja. Voś tut ja hatovy ŭstać pobač i rabić usio toje, što nieabchodna dla spynieńnia vajny i palapšeńnia žyćcia ludziej».
«Heta nienarmalna, kali maładyja chłopcy, takija jak ty, Marya, siońnia hinuć na froncie. Chiba heta narmalna? Choć bolšaja častka hramadstva bolš-mienš narmalna žyvie, a peŭnaja častka hramadstva dobra žyvie. A chtości za niejkija intaresy hinie. Heta nienarmalna. Tamu ŭ hetym (urehulavańni kanfliktu) u mianie vialiki aptymizm», — dadaŭ Łukašenka.
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary