Marka Rubia i ministr transpartu ZŠA nakryčali na Maska. Tramp byŭ zmušany ŭmiašacca
Dziaržsakratar ZŠA Marka Rubia i amierykanski ministr transpartu Šon Dafi pasvarylisia ź Iłonam Maskam na pasiadžeńni ŭrada, paviedamlaje The New York Times.
Pavodle infarmacyi vydańnia, Marka Rubia i Šon Dafi publična abvinavacili Iłana Maska ŭ chłuśni.
U chodzie pasiadžeńnia ŭrada Iłan Mask vystupiŭ z krytykaj čynoŭnikaŭ. U pryvatnaści, jon abvinavaciŭ dziaržsakratara Marka Rubia, što jon nie zvolniŭ nikoha sa svaich padnačalenych.
Rubia adkazaŭ, što heta chłuśnia i zajaviŭ, što adpraviŭ častku rabotnikaŭ na piensiju, ale prapanavaŭ pryniać ich nazad, kab Mask moh ich znoŭ zvolnić i zładzić z hetaha šou.
Kali sprečka zaciahnułasia, u jaje ŭmiašaŭsia sam prezident ZŠA Donald Tramp, jaki staŭ na bok Rubia.
Ministr transpartu Dafi, u svaju čarhu, zajaviŭ, što supracoŭniki Maska patrabujuć zvalniać avijadyśpietčaraŭ, miž tym jak u jaho ŭžo dźvie avijakatastrofy «na rukach». Mask prapanavaŭ nazvać imiony zvolnienych, ale Dafi skazaŭ, što imionaŭ niama tamu, što jon pieraškodziŭ zvalnieńniu ludziej.
NYT adznačaje, što členy amierykanskaha ŭrada ŭ cełym padtrymlivajuć skaračeńnie piersanału i baraćbu sa złoŭžyvańniami, ale jany nie zhodnyja ź mietadami, jakija prymianiaje Mask.
Mienavita paśla hetaha incydentu Tramp nibyta pryniaŭ rašeńnie abmiežavać paŭnamoctvy Maska, pra što paviedamiŭ u svajoj sacsietcy Truth Social. U admysłovym paście jon, z adnaho boku, pachvaliŭ multymiljardera za kadravuju palityku, ale ŭ toj ža čas zaklikaŭ jaho być bolš strymanym pry zvalnieńni dziaržaŭnych słužboŭcaŭ.
«Pa miery taho, jak ministry daviedvajucca i bolš razumiejuć ludziej, jakija pracujuć u roznych departamientach, jany mohuć być vielmi dakładnymi adnosna taho, chto zastaniecca, a chto sydzie. My havorym «skalpiel», a nie «siakiera», — napisaŭ Tramp.
Jon pryznaŭ, što «važna zachavać najlepšych i samych praduktyŭnych ludziej» i «nie zvalniać u masavym paradku zdolnych fiederalnych słužboŭcaŭ».
Zhodna z novymi ŭkazańniami prezidenta ZŠA, maskaŭski DOGE pavinien adyhryvać kansultatyŭnuju rolu, a kančatkovyja rašeńni pa piersanale zastajucca za kiraŭnikami departamientaŭ.
Litoŭskaha palityka-papulista zaprasili ŭ ZŠA na sustreču z Maskam. Toje, što heta razvod, jon zrazumieŭ tolki ŭ aeraporcie
Prodažy Tesla u Niamieččynie ŭpali na 76% na fonie skandałaŭ Maska ź nieadnaznačnymi žestami i padtrymkaj ultrapravych
Mask užo prapanuje Zialenskamu «amnistyju ŭ niejtralnaj krainie» ŭ abmien na «adnaŭleńnie demakratyi» va Ukrainie
Rasija i Kitaj imknucca zavierbavać słužačych, zvolnienych administracyjaj Trampa
Mask zahadaŭ usim fiederalnym čynoŭnikam ZŠA spravazdačycca, što jany robiać, abo zvolnicca
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary
Možna było čakać taho. Zvyčajnaja źjava. Heta ich sutnaść.