Mask užo prapanuje Zialenskamu «amnistyju ŭ niejtralnaj krainie» ŭ abmien na «adnaŭleńnie demakratyi» va Ukrainie
Amierykanski miljarder Iłan Mask padtrymaŭ tezisy pra toje, što prezident Ukrainy nibyta nie choča pieramovaŭ ab spynieńni vajny, bo baicca stracić uładu, i vysunuŭ ideju ab «amnistyi» dla jaho ŭ abmien na «adnaŭleńnie demakratyi va Ukrainie», zaŭvažyła «Jeŭrapiejskaja praŭda».
Iłan Mask prakamientavaŭ paviedamleńnie prychilnika Donalda Trampa ŭ sacsietcy X, jaki nazvaŭ prezidenta Ukrainy dyktataram i vykazaŭ ideju, što Zialenski baicca stracić uładu ŭ vypadku spynieńnia vajny, tamu što paśla prajhraje vybary i moža apynucca ŭ turmie za «admyvańnie hrošaj», tamu, maŭlaŭ, jamu vyhadna «dalej adpraŭlać ukraincaŭ pamirać u hetaj miasarubcy».
Mask pierapościŭ hety tvit sa svaim kamientarom.
True.
As distasteful as it is, Zelensky should be offered some kind of amnesty in a neutral country in exchange for a peaceful transition back to democracy in Ukraine. https://t.co/ZpF6nLIDtw
«Praŭda. Jak by niepryjemna heta ni było, Zialenskamu treba prapanavać niejkuju amnistyju ŭ niejtralnaj krainie ŭ abmien na mirnaje adnaŭleńnie demakratyi va Ukrainie», — napisaŭ Mask.
Raniej prezident ZŠA Donald Tramp, havoračy ab pahadnieńni pra zaviaršeńnie vajny va Ukrainie, vykazaŭ mierkavańnie, što ŭkrainski prezident moža «nie pratrymacca vielmi doŭha», kali nie zachoča zaklučyć mirnaje pahadnieńnie.
Za apošnija tydni Tramp niekalki razoŭ nazvaŭ prezidenta Ukrainy dyktataram i zajaviŭ, što Zialenski pavinien dziejničać chutka, kali Ukraina choča vyžyć jak kraina. Adnak za dzień da vizitu Zialenskaha ŭ ZŠA Tramp užo vykazaŭ ździŭleńnie, što nazyvaŭ Zialenskaha dyktataram.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza13
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary