Hramadstva33

Palitźniavolenaja Antanina Kanavałava raskazała, što joj prapanoŭvaŭ HUBAZiK paśla jaje vyzvaleńnia

Aktyvistka ruchu «Kraina dla žyćcia» i pieradvybarčaha štabu Śviatłany Cichanoŭskaj palityčnaja źniavolenaja Antanina Kanavałava raskazała padrabiaznaści razmovaŭ z HUBAZiK paśla svajho vyzvaleńnia.

Antonina Konovalova Antanina Kanavałava Antonina Konovałova
Antanina Kanavałava. Skryn videa jutub-kanała «Aljansa rasśledavalnikaŭ Biełarusi»

Jak zhadvaje Antanina Kanavałava ŭ intervju «Aljansu rasśledavalnikaŭ Biełarusi», praź niekalki sutak paśla vyzvaleńnia joj pazvaniŭ inśpiektar z RUUS i skazaŭ, što ź joj chočuć sustrecca, ale nie nazvaŭ, chto kankretna. U vyniku žančynu zaprasili ŭ budynak, jaki raźmieščany ŭ Minsku na vulicy Revalucyjnaja, 3. Ź internetu jana daviedałasia, što pa hetym adrasie raźmieščany HUBAZiK.

«Sa mnoj razmaŭlaŭ namieśnik načalnika HUBAZiKa pa Minsku i pa Minskaj vobłaści. I plus apieratyŭnyja supracoŭniki niejkija byli. Potym jany mianialisia.

Jany mnie zadavali pytańni: «Ci pamianiali vy svaje pohlady?». Viadoma, ja im kazała, što pamianiała. Mnie treba było zrabić usio dla taho, kab jany mnie pavieryli.

Ja im kazała pra toje, što maje dzieci viernucca ŭ Biełaruś. Chacia ja ŭžo viedała, što jany nie viernucca.

Jany pytalisia ab kałonii. «Jak zaraz pad kiraŭnictvam novaha načalnika?» Jany nie daviarajuć nikomu», — zhadvaje Kanavałava padrabiaznaści pieršaj sustrečy.

Pa jaje słovach, joj nie prapanoŭvali padpisvać nijakija dakumienty, ale havaryli pra toje, što mohuć uładkavać na pracu. Ad prapanovy jana admoviłasia, bo viedała, što za hetym staić:

«Jany ŭładkoŭvajuć na jaki-niebudź z zavodaŭ. Ty pačynaješ na ich pracavać. I hety čałaviek daviedvajecca nastroj supracoŭnikaŭ, jakija tam pracujuć».

Akramia ŭładkavańnia na pracu, siłaviki prapanoŭvali žančynie dapamohu ŭ viartańni dziaciej u krainu:

«Mnie kazali: «Kali vy nie možacie sami pryvieźci svaich dziaciej, my vam ich pryviaziom. Vy razumiejecie, što vašyja dzieci znachodziacca tam u zakładnikach». Ja razumieju, što jany nijakija nie zakładniki, ale mnie treba rabić vyraz tvaru taki, što ja im vieru».

Akramia hetaha, jak śćviardžaje žančyna, siłaviki cikavilisia ŭ jaje, chto z asudžanych, jakija znachodzilisia razam ź joj u kałonii, varty vyzvaleńnia. «Ja kazała, što ŭsie».

Paśla pieršaj sustrečy supracoŭniki HUBAZiK razmaŭlali z Kanavałavaj jašče čatyry razy. Pa jaje słovach, siłaviki jaje «raspracoŭvali dla taho, kab u dalejšym supracoŭničać».

Zrazumieŭšy, što takoha žadańnia ŭ jaje niama, pačali pahražać novym terminam pa artykule ab udziele ŭ pratestach. Jak śćviardžaje Kanavałava, razmovy ničym nie skončylisia. Na supracoŭnictva jana tak i nie pajšła i nie padpisvała nijakich papier. Praź niekatory čas jana vyjechała ź Biełarusi i sustrełasia ź dziećmi.

Muž Antaniny Siarhiej Jaraševič zastajecca za kratami.

Kamientary3

  • Tak
    17.03.2025
    U hubazikie riealnyje ****

    [Zredahavana]
  • Biełarus
    18.03.2025
    Jaki žach. A potym u hetych čarciej ščyrie ździŭleńnie: adkul źjaŭlajucca dumki raspravy nad łukašnioj pry pieršaj mahčymaści?

    Spadarynie Antaninie ščyry dziakuj za mužnaść i hodnaść. Najchutčejšaha adnaŭleńnia.
  • Vsia bieda tolko ot mienta
    18.03.2025
    V mientovkie nietu umnych. Nie užieli oni nie ponimajut, čto nikakaja kołonija, tiuŕma i t.d. nie pomieniajut vźlady i myśli ludiej? Nie mient, my nie pierieviernuli nikakuju stranicu. Pomnim vsio i otomstim tiebie i vsiem pričastnym.

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»19

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić