Niamiecki internet-partał T-Online spytaŭ bolš za 100 tysiač čałaviek, ci kupili b jany sabie Tesla. Bolš za 94% respandentaŭ adkazali admoŭna, stanoŭča — tolki 3%, piša Devby.io.
U 2024 hodzie prodažy Tesla ŭ Hiermanii ŭpali na 41% u paraŭnańni z 2023-m, niahledziačy na toje, što ŭ cełym halina pakazała rost u 27%. Dynamika pačatku 2025-ha jašče bolš sumnaja: za pieršyja dva miesiacy prodažy ŭ krainie abrynulisia na 70% u paraŭnańni ź minułym hodam.
Pryčyn niekalki: heta i ŭsio bolšaja kankurencyja na rynku, i madernizacyja zboračnych linij dla vypusku abnoŭlenaj Model Y, a asabliva ŭ apošnija miesiacy — niezadavolenaść niemcaŭ umiašańniem hiendyrektara Tesla Iłana Maska ŭ miascovyja parłamienckija vybary i jaho padtrymka krajnie pravaj «Alternatyvy dla Hiermanii».
Reputacyja biznesmiena ŭ Hiermanii pajšła ŭ krutoje pikie paśla padobnaha da nacysckaha pryvitańnia, jakoje jon kinuŭ na inaŭhuracyi Donalda Trampa, i pravakacyjnych pastoŭ na temu fašyzmu. Naprykład, zusim niadaŭna Mask repostnuŭ tvit pra toje, što ŭvohule heta nie Hitler i Stalin zabili miljony ludziej, a ich padnačalenyja.
Prodažy amierykanskaj kampanii padajuć nie tolki ŭ Hiermanii, ale i pa ŭsioj Jeŭropie, dy i ŭ astatnim śviecie taksama. Tydzień tamu na dapamohu Masku pryjšoŭ navat prezident ZŠA Donald Tramp, jaki demanstratyŭna nabyŭ aŭtamabil Tesla.
Na fonie padzieńnia akcyj Tesla Tramp nabyvaje mašynu ad Iłana Maska
Tesla Iłana Maska straciła 15% rynkavaha koštu za adzin dzień
Prodažy Tesla u Niamieččynie ŭpali na 76% na fonie skandałaŭ Maska ź nieadnaznačnymi žestami i padtrymkaj ultrapravych
Zakliki da bajkotu amierykanskaj pradukcyi raspaŭsiudžvajucca ŭ Paŭnočnaj Jeŭropie
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary