Va ŭsich VNU Biełarusi z nastupnaha hoda pačnuć vyvučać štučny intelekt
Va ŭsich univiersitetach Biełarusi z nastupnaha navučalnaha hoda źjavicca dyscyplina «Asnovy vykarystańnia technałohii štučnaha intelektu», paviedamiŭ ministr adukacyi Andrej Ivaniec.
«Z nastupnaha hoda va ŭsich univiersitetach u nas źjavicca adpaviedny novy kurs — dyscyplina «Asnovy vykarystańnia technałohii štučnaha intelektu», jakaja budzie raspracavanaja ŭ kantekście kankretnaj śpiecyjalnaści pad kankretnaha śpiecyjalista», — zajaviŭ Andrej Ivaniec.
Ministr adukacyi zajaviŭ, što ŠI i niejrasietki ŭžo ŭkaraniajucca ŭ robatatechnicy i IT, a taksama pry padrychtoŭcy novych inžyniernych kadraŭ. Ivaniec taksama dadaŭ, što ŭ nahu z časam iduć i škoły, dzie vučniaŭ vučać kiravać dronami i naziemnymi srodkami bieśpiłotnych sistem.
«Jakija prymianiajucca ŭ šyrokim sensie hetaha słova — pačynajučy ad sielskaj i lasnoj haspadarki, ekałohii i abarony navakolnaha asiarodździa, zakančvajučy biaśpiekaj i abaranazdolnaściu našaj krainy. Biezumoŭna, my heta ŭsio aktyŭna ŭkaraniajem sa školnaj łavy», — cytuje Ivanca BiełTA.
Raniej paviedamlałasia, što ŭ 2025 hodzie ŭ BDU adkryjecca nabor na śpiecyjalnaść «Intelektualnaja elektronika», navučacca jakoj možna budzie na fakultecie radyjofiziki i kampjutarnych technałohij. 25 čałaviek zmohuć pastupić na biudžet, jašče niekalki — na płatnaje adździaleńnie. Vučycca pa hetaj śpiecyjalnaści studenty buduć čatyry hady. Vypuskniki atrymajuć patrojnuju kvalifikacyju «radyjofizik — inžynier — prahramist».
Taksama ŭ 2024 hodzie ŭ MDŁU byŭ adkryty pryjom na śpiecyjalnaść «Ličbavaja linhvistyka». Vypuskniki buduć spałučać u sabie kampietencyi movaznaŭca i prahramista i zmohuć navučać sistemy ŠI.
Ciapier čytajuć
U Minsku adkryli samuju niezvyčajnuju raźviazku — ałmaznuju. Vyjazdžać treba jak by na sustrečku FOTA3
Kamientary