«Pavinny zastavacca biez ruchu». Jeŭrasajuz nie budzie kanfiskoŭvać zamarožanyja rasijskija aktyvy
Jeŭrasajuz spyniŭ dyskusiju adnosna mahčymaj kanfiskacyi zamarožanych rasijskich aktyvaŭ. Pra heta śviedčyć tekst vysnoŭ samitu Jeŭrasajuza ad 20 sakavika, jaki trapiŭ u rasparadžeńnie karespandentki Deutsche Welle.
«U adpaviednaści z zakanadaŭstvam JeC, rasijskija aktyvy pavinny zastavacca biez ruchu da taho času, pakul Rasija nie spynić svaju ahresiŭnuju vajnu suprać Ukrainy i nie kampiensuje joj škodu, naniesienuju hetaj vajnoj», — skazana ŭ tekście, pryniatym lidarami krain Jeŭracajuza.
Suprać kanfiskacyi bolš za 200 miljardaŭ jeŭra rasijskich aktyvaŭ vystupali niekalki krain Jeŭrasajuza, arhumientujučy svaju pazicyju zakanadaŭstvam ES, niebiaśpiekaj padobnaha precedentu dla jeŭrapiejskaj kankurentazdolnaści na rynku finansavych pasłuh, nieabchodnaściu padtrymlivać Ukrainu na pracenty ad hetych srodkaŭ, a taksama tym, što hetaja suma źjaŭlajecca «kartaj» na mirnych pieramovach i ryčahom upłyvu na Rasiju.
«My pačynajem dumać pra endšpil va Ukrainie, pra mirnyja pieramovy, spynieńnie ahniu, mirnaje pahadnieńnie, jakoje moža być padpisanaje jak praz 3 miesiacy, tak i praz 3 hady. I ludzi pačynajuć razumieć, što mieć hetyja aktyvy moža być važniej, čym kanfiskavać ich, nie viedajučy pry hetym, što ź imi rabić», — adznačyŭ napiaredadni samitu adzin jeŭrapiejski dypłamat.
Pry hetym ES hatovy i nadalej uzmacniać cisk na Rasiju, u tym liku šlacham uviadzieńnia dadatkovych sankcyj i ŭzmacnieńnia kantrolu za vykanańniem najaŭnych zachadaŭ, kab asłabić jaje zdolnaść vieści vajnu suprać Ukrainy, skazana ŭ dakumiencie.
Ciapier čytajuć
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary