Minlashas składzie drevami ideałahičny nadpis, jaki budzie vidać z samalotaŭ
Ministerstva lasnoj haspadarki Biełarusi anansavała ideju da 80-hodździa pieramohi nad Hiermanijaj u 1945 hodzie — vysadzić vializny nadpis «9 Maja» z žyvych dreŭ, piša BiełTA. Hetuju datu «ŭviekaviečać siłami rabotnikaŭ» na poli ŭ Kiraŭskim rajonie.
Jak paviedamiŭ pieršy namieśnik ministra Alaksandr Drahun, učastak dla vysadki dreŭ śpiecyjalna pieradali ź sielhasuhodździaŭ u lasny fond pad kiravańnie Babrujskaha lashasa.
Fonam u vysadkach pasłužyć masiŭ ź biaroz, a sami simvały — «9 Maja» — buduć vysadžanyja drevami sasny, jakija pavinny kantrastavać ź biełymi stvałami biaroz pry pohladzie źvierchu.
Vysadžvać drevy buduć u krasaviku.
Hetaja praktyka idzie karaniami ŭ saviecki čas, kali na terytoryi tahačasnaj BSSR było pasadžana niekalki takich ideałahičnych nadpisaŭ. Samy viadomy z padobnych vypadkaŭ — nadpis «Lenin», raźmieščany kala rajcentra Ivanava ŭ Bresckaj vobłaści.
U Minsku pastavili pomnik ź impierskim arłom. Adkryvać pryjechaŭ pamočnik Pucina FOTY
«Vźviejtieś kostrami» ŭ inšaj formie viarnułasia ŭ škoły». Što ciapier adbyvajecca ŭ biełaruskaj adukacyi?
U Klecku vyrabili pierniki ź dziaržaŭnaj simvolikaj FOTAFAKT
U Minsku 9 maja źbirajucca pravieści maštabny vajskovy parad
Kamientary
Chotia, idieołohi skažut, čto jesť boleje podchodiaŝije i "idieołohičieski pravilnyje nadpisi".