Prezident ZŠA Donald Tramp ličyć, što rasijskija ŭłady zaciahvajuć pieramovy ab spynieńni vajny z Ukrainaj. Pra heta paviedamiła žurnalistka Fox News Džeki Chajnrych sa spasyłkaj na krynicu, znajomuju z chodam abmierkavańniaŭ.
Pavodle słoŭ Chajnrych, Tramp rasčaravany ŭ prezidencie Rasii Uładzimiry Pucinie. Žurnalistka piša ŭ sacsietcy X, što ŭ Biełym domie razhladajuć varyjant žorstkaha prymianieńnia sankcyj, jakija ŭdarać pa rasijskim cieniavym fłocie.
«Mnie paviedamili, što kantrol za vykanańniem sankcyj ciapier nizki — nieaficyjna jon aceńvajecca prykładna na ŭzroŭni «3 z 10». I pierachop dziejnaści rasijskaha «cieniavoha fłotu» <…> moža stać lohkaj mišeńniu dla cisku», — napisała Chajnrych, piša Rasijskaja słužba Radyjo Svaboda.
Pra toje, što Tramp niezadavoleny apošnimi vykazvańniami lidaraŭ abodvuch bakoŭ rasijska-ukrainskaha kanfliktu — prezidenta Rasii i prezidenta Ukrainy, raniej taksama raspaviała pres-sakratarka Biełaha doma biez udakładnieńnia, jakija mienavita vykazvańni vyklikali niezadavolenaść Trampa.
Sam prezident ZŠA raniej zajaŭlaŭ, što byŭ «raźjušany» słovami Pucina pra nielehitymnaść ukrainskaha lidara Uładzimira Zialenskaha i nieabchodnaść uviadzieńnia vonkavaha kiravańnia dla Ukrainy. Tramp pryhraziŭ Rasii druhasnymi pošlinami na ekspart nafty ŭ vypadku, kali Maskva ŭ najbližejšy čas nie pahodzicca na pieramirje.
MZS Rasii ŭ svaju čarhu paviedamiła, što Maskva surjozna stavicca da prapanoŭ Vašynhtona pa Ukrainie, ale nie moža pryniać ich «prosta jak jość». Namieśnik kiraŭnika rasijskaha źniešniepalityčnaha viedamstva Siarhiej Rabkoŭ adznačyŭ, što amierykanskaja pazicyja nie praduhledžvaje ŭstaranieńnia pieršapryčyn rasijska-ukrainskaha kanfliktu, a taksama nie zaklikaje Kijeŭ «spynić vajnu».
Kamientary
Hetaje fota vielmi pasuje.
Jašče 3-4 miesiacy, i mabyć, zdahadajecca, chto pačaŭ vajnu.