Adkaznaść — da 2 hadoŭ kałonii.
Ułady płanujuć uvieści kryminalnuju adkaznaść za niezakonnyja dziejańni ź bieśpiłotnikami. Zakonaprajekt «Ab źmienie kodeksaŭ pa pytańniach kryminalnaj i administracyjnaj adkaznaści» zarehistravany na Nacyjanalnym pravavym internet-partale.
Prapanujecca dadać u Kryminalny kodeks Biełarusi artykułam 300-1 «Niezakonnyja dziejańni ŭ dačynieńni hramadzianskich bieśpiłotnych latalnych aparataŭ i avijamadelej». Kab trapić pad jaho, treba, kab čałavieka złavili ź bieśpiłotnikami, pryciahnuli da administracyjnaj adkaznaści, a paśla na praciahu hoda złavili jašče raz.
«Uvoz na terytoryju Biełarusi, zachoŭvańnie, abarot, ekspłuatacyja i vyrab hramadzianskich bieśpiłotnych latalnych aparataŭ i avijamadelaŭ u parušeńnie patrabavańniaŭ zakanadaŭstva, ździejśnienyja na praciahu hoda paśla nakładańnia administracyjnaha spahnańnia za takija ž parušeńni, — karajucca hramadskimi pracami, abo štrafam, abo papraŭčymi pracami na termin da 1 hoda abo aryštam, albo abmiežavańniem svabody na termin da 2 hadoŭ sa štrafam ci biez, albo pazbaŭleńniem voli na toj ža termin sa štrafam ci biez», — havorycca ŭ dakumiencie.
Ciapier zakonaprajekt razhledziać — i, naturalna, prymuć — u parłamiencie, paśla čaho jaho padpiša Alaksandr Łukašenka.
Kamientary
Čiem bolšie v stranie "nielzia", tiem mieńšie u niejo šansov stať čiem-to privlekatielnoje..
no kohda eto vołnovało ubludkov u vłasti?