Voś tak vyhladaje samaja tannaja adnapakajovaja kvatera ŭ Minsku. Jaje addajuć z meblaj za $46 tysiač
Jak vyhladajuć samyja biudžetnyja varyjanty kvater na druhasnym rynku? Takija prapanovy źjaŭlajucca redka, ale časam usio ž uspłyvajuć u bazach nieruchomaści — niachaj i vyhladajuć jany, na pieršy pohlad, nie nadta prezientabielna. Adzin z takich varyjantaŭ znajšoŭsia ŭ Šabanach, piša Onliner.by.
Adnapakajoŭku z meblaj byłyja ŭładalniki addajuć usiaho za $46 tysiač pa kursie, abo $1530 za kvadratny mietr. Raskazvajem i pakazvajem, jak siońnia vyhladaje samaja niedarahaja adnapakajovaja kvatera ŭ stalicy.
Kampaktnaje žyllo z adnym pakojem mieścicca na vulicy Rotmistrava, 4, na zručnym druhim paviersie. Dom panelny, 1966 hoda. Ahulnaja płošča kvatery — usiaho 30 «kvadrataŭ». Žyłaja — 16,4. Jość bałkon, praŭda, nie zašklony. Ale ŭ voknach užo stajać škłopakiety.
Sanvuzieł u kvatery sumieščany i vidavočna patrabuje ramontu. Interjer taksama nie pieraškodziła b abnavić, ale ŭ cełym, kali ŭ vas abmiežavany biudžet, u kvateru całkam možna zajazdžać i žyć.
Niahledziačy na toje, što piacipaviarchoŭka ŭžo prastajała na ŭskrajku Minska paŭstahodździa, kapitalny ramont u joj zrobleny, usie kamunikacyi abnoŭleny.
Adzin ź nie samych vidavočnych plusaŭ, pa słovach aŭtara abjavy, — raźvitaja infrastruktura. U krokavaj dastupnaści ad domu — dziciačyja sady, škoła, paliklinika i handlovy centr. Vyjechać za MKAD možna za 5 chvilin, da mietro «Mahiloŭskaja» — prykładna stolki ž na aŭtobusie.
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary