Вось так выглядае самая танная аднапакаёвая кватэра ў Мінску. Яе аддаюць з мэбляй за $46 тысяч
Як выглядаюць самыя бюджэтныя варыянты кватэр на другасным рынку? Такія прапановы з’яўляюцца рэдка, але часам усё ж усплываюць у базах нерухомасці — няхай і выглядаюць яны, на першы погляд, не надта прэзентабельна. Адзін з такіх варыянтаў знайшоўся ў Шабанах, піша Onliner.by.
Аднапакаёўку з мэбляй былыя ўладальнікі аддаюць усяго за $46 тысяч па курсе, або $1530 за квадратны метр. Расказваем і паказваем, як сёння выглядае самая недарагая аднапакаёвая кватэра ў сталіцы.
Кампактнае жыллё з адным пакоем месціцца на вуліцы Ротмістрава, 4, на зручным другім паверсе. Дом панэльны, 1966 года. Агульная плошча кватэры — усяго 30 «квадратаў». Жылая — 16,4. Ёсць балкон, праўда, не зашклёны. Але ў вокнах ужо стаяць шклопакеты.
Санвузел у кватэры сумешчаны і відавочна патрабуе рамонту. Інтэр’ер таксама не перашкодзіла б абнавіць, але ў цэлым, калі ў вас абмежаваны бюджэт, у кватэру цалкам можна заязджаць і жыць.
Нягледзячы на тое, што пяціпавярхоўка ўжо прастаяла на ўскрайку Мінска паўстагоддзя, капітальны рамонт у ёй зроблены, усе камунікацыі абноўлены.
Адзін з не самых відавочных плюсаў, па словах аўтара аб’явы, — развітая інфраструктура. У крокавай даступнасці ад дому — дзіцячыя сады, школа, паліклініка і гандлёвы цэнтр. Выехаць за МКАД можна за 5 хвілін, да метро «Магілёўская» — прыкладна столькі ж на аўтобусе.
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары